ButtaBomma Video Song: హృదయాల్లో గిటార్ వాయిస్తున్న బుట్టబొమ్మ! అల్లు అర్జున్- పూజ హెగ్డేల అందమైన కెమిస్ట్రీ, అద్భుతమైన డాన్స్ మూవ్స్‌తో ఆకట్టుకుంటున్న సాంగ్ వీడియో
Butta Bomma Video Song Promo | Photo: Aditya Music

అల్లు అర్జున్ మరియు పూజా హెగ్డే జంటగా వస్తున్న 'అల వైకుంఠపురములో'  ( #AlaVaikunthapurramuloo ) సినిమాలోని మ్యూజిక్ ప్రేక్షకుల హృదయాలను గెలుచుకుంటుంది. రాములో.. రాములా, సామజవరగమన వంటి చార్ట్‌బస్టర్‌ల తరువాత, ఇప్పుడు 'బుట బొమ్మ' అనే కొత్త ట్రాక్ యొక్క వీడియో ప్రోమోను విడుదల చేశారు. ఇక ఈ పాట గురించి చెప్పాలంటే, ఈ సినిమాలో అల్లు అర్జున్ (Allu Arjun) ఒక సన్నివేశంలో విలన్‌తో ఇచ్చే 'శ్‌శ్‌‌శ్‌శ్‌ల్ ‌..ప్' అనే ఎక్స్‌ప్రెషన్ లాగా కసక్ ఉంది. మరోసారి స్టైలిష్ స్టార్ యొక్క క్రేజీ డ్యాన్స్ మూవ్స్ మరియు పూజా హెగ్డే (Pooja Hegde) తో అతని అందమైన కెమిస్ట్రీ మనల్ని ఒక మాయలోకి నెట్టేస్తుంది.  ప్రముఖ బాలీవుడ్ గాయకుడు అర్మాన్ మాలిక్ పాడిన ఈ పాటకు, రామజోగయ్య శాస్త్రి సాహిత్యం అందించగా, థమన్. ఎస్ స్వరపరిచారు. ఈ పాట వింటుంటే, మనస్సు హాయిగా తాకుతూ గుండెల్లో గిటార్ ప్లే చేస్తున్నట్లుగా ఉంది.

ఇప్పటికే టిక్ టాక్ లాంటి సోషల్ మీడియాలో క్రేజీగా ట్రెండ్ అవుతున్న ఈ సాంగ్, ఒరిజినల్ ప్రోమో వీడియో ఎలా ఉందో మీరే చూడండి.

ButtaBomma Video Song:

ఇక సినిమా కథ విషయానికి వస్తే, 'అల వైకుంఠపురములో' ఫ్యాక్షన్ నేపథ్యంలో సాగే కథ లాగా ట్రైలర్‌ను నట్టి అర్థమవుతుంది. ఈ చిత్రంలో, అల్లు అర్జున్ ఒక పోలీస్ ఆఫీసర్‌గా కనిపించనున్నట్లు చెబుతున్నారు.  సరిలేరు నీకెవ్వరు,  అల వైకుంఠపురములో  ట్రైలర్లలో మీకు ఏ ట్రైలర్ బాగా నచ్చింది? పోల్‌లో పాల్గొని మీ అభిప్రాయాన్ని చెప్పండి

గీతా ఆర్ట్స్ మరియు హరిక & హసిని క్రియేషన్స్ వారి బ్యానర్లలో అల్లు అరవింద్ మరియు ఎస్. రాధా కృష్ణ సంయుక్తంగా నిర్మించిన ఈ చిత్రం జనవరి 12 న విడుదల కానుంది. దీనికి త్రివిక్రమ్ దర్శకత్వం వహించారు. దాదాపు ఒక దశాబ్దం తర్వాత టబు మళ్ళీ ఈ సినిమా ద్వారా టాలీవుడ్‌లో రీఎంట్రీ ఇస్తున్నారు. అంతేకాకుండా ఈ సినిమాలో అల్లు అర్జున్ పిల్లలు అయాన్ మరియు అర్హ కనిపిస్తుండటం మరో విశేషం.