QuickLY
Socially
ఇప్పుడు ప్రపంచవ్యాప్తంగా సినీ ప్రేమికులు ఎదురుచూస్తున్న చిత్రమేదేనా ఉందంటే అది పుష్ప-2: ది రూల్‌ ఒకటే.పుష్పతో అందరి దృష్టిని ఆకర్షించిన సుకుమార్‌, అల్లు అర్జున్ పుష్ప-2 చిత్రం కోసం గత రెండేళ్లుగా శ్రమిస్తున్నారు. ప్రస్తుతం చిత్రీకరణలో ఉన్న ఈ చిత్రం మరోవైపు నిర్మాణానంతర పనులను కూడా జరుపుకుంటోంది. కాకినాడ, యానాంలో చిత్రీకరణ జరుపుకుంటోంది. కాగా, మేకర్స్‌ ఈ చిత్రం నుంచి తాజాగా మరో అప్‌డేట్‌ను ఇచ్చారు.
ఈ చిత్రం ఫస్ట్‌హాఫ్‌ ఎడిటింగ్‌తో పాటు అన్నిపనులు పూర్తిచేసుకుని లాక్‌ చేశారని ఓ పోస్టర్‌ను వదిలారు. అంతేకాదు ఈ చిత్రం ఇంటర్వెల్‌ బ్యాంగ్‌ కూడా ఎక్స్‌పెక్ట్‌ చేయని విధంగా ఉంటుందని సమాచారం. ఈ పాన్‌ ఇండియా చిత్రాన్ని మైత్రీ మూవీ మేకర్స్‌ అసోసియేషన్‌ విత్‌ సుకుమార్‌ రైటింగ్స్‌ బ్యానర్స్‌పై నవీన్‌ ఎర్నేని, వై. రవిశంకర్‌ నిర్మిస్తున్నారు.
పుష్ప-2 నుంచి అదిరిపోయే పోస్టర్, రెడ్ కలర్ బ్యాక్ గ్రౌండ్ తో దుమ్మురేపుతున్న అల్లు అర్జున్ లుక్..
డిసెంబరు 6న చిత్రం ప్రపంచవ్యాప్తంగా ప్రేక్షకుల ముందుకు రానుంది. అంతేకాదు ఈ చిత్రం రూ.1000 కోట్ల ప్రీరిలీజ్‌ బిజినెస్ పూర్తిచేసుకుని సరికొత్త రికార్డు క్రియేట్‌ చేసిందని ట్రేడ్‌వర్గాలు అంటున్నాయి. త్వరలోనే ఈ చిత్రానికి సంబంధించిన ప్రమోషన్‌ను ప్రారంభించబోతున్నారని సమాచారం.
