Aryan Khan Drugs Case: డ్రగ్స్ కేసులో షారుఖ్ ఖాన్ తనయుడు ఆర్యన్ ఖాన్‌కు బెయిల్ మంజూరు, సంతోషంలో బాద్‌షా ఫ్యాన్స్, 23 రోజుల్లో జరిగింది ఇదే..

Aryan Khan Drugs Case: బాలీవుడ్ బాద్ షా షారుక్ ఖాన్ కుమారుడు ఆర్య‌న్ ఖాన్‌కు ఎట్టకేలకు బెయిల్ లభించింది. దీంతో షారుఖ్ నివాసం మన్నత్ లో పండుగ వాతావరణం నెలకొంది. డ్ర‌గ్స్ కేసులో అరెస్ట్ అయిన 23 రోజుల‌కు పైగా జైలులో ఉన్న ఆర్య‌న్‌ను ఎట్ట‌కేల‌కు బెయిల్ ల‌భించింది. ఆర్య‌న్‌తో పాటు అత‌ని స్నేహితులు అర్బాజ్ మ‌ర్చంట్‌, మున్ మున్ ధ‌మేచాకు సైతం బాంబే హైకోర్టు బెయిల్ మంజూరు చేసింది. దీంతో ఆర్యన్‌ రేపు జైలు నుంచి విడుదలయ్యే అవకాశం ఉంది. దాదాపు 23 రోజుల అనంతరం ఆర్యన్‌కు బెయిల్‌ రావడంతో కుటుంబ సభ్యులతో పాటు షారుఖ్ అభిమానులు ఊపిరి పీల్చుకున్నారు.

Maharashtra: Fans of actor Shah Rukh Khan celebrate outside his residence 'Mannat' in Mumbai after Bombay High Court granted bail to his son Aryan in the drugs-on-cruise case pic.twitter.com/QytqfgFYnH

— ANI (@ANI) October 28, 2021

ఇదిలా ఉంటే షారుఖ్ కుమారుడు అక్టోబర్‌ 2వ తేదీ అర్థరాత్రి క్రూయిజ్‌ ఓడరేవులో పార్టీ జరుపుతుండగా పోలీసులు ఆకస్మిక దాడులు చేశారు. ఈ తనిఖీలో డ్రగ్స్ లభించడంతో ఆర్యన్‌తో పాటు మరో 8మందిని పోలీసులు అరెస్టు చేసిన సంగతి తెలిసిందే. అప్పటి నుంచి ఆర్యన్‌ దాదాపు 23 రోజుల పాటు జైలులోనే ఉన్నాడు. ఈ క్రమంలో అతడి బెయిల్‌ పిటిషన్‌కు ముంబై కోర్టు మూడు స్లార్లు కొట్టివేసింది. దీంతో ఆర్యన్‌ బాంబే హైకోర్టును ఆశ్రయించగా చివరికి అతడికి ఊరట లభించింది. ఆర్యన్‌ బెయిల్‌ పటిషన్‌పై మూడు రోజుల విచారణ అనంతరం హైకోర్టు నేడు(గురువారం) ఆర్యన్‌తో పాటు మరో ఇద్దరికి బెయిల్‌ ఇచ్చింది.

(The above story first appeared on LatestLY on Oct 28, 2021 08:12 PM IST. For more news and updates on politics, world, sports, entertainment and lifestyle, log on to our website latestly.com).