QuickLY
Socially
పీఎస్ ప్రవీణ్ సూద్ సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) డైరెక్టర్‌గా 2 సంవత్సరాల పాటు నియమితులయ్యారు. సుబోధ్ కుమార్ జైస్వాల్ స్థానంలో ఆయన మే 25న బాధ్యతలు స్వీకరించనున్నారు. ప్రధాని మోదీ నేతృత్వంలోని కమిటీ సీబీఐ చీఫ్‌గా ముగ్గురు పేర్లను షార్ట్‌లిస్ట్ చేయగా, అందులో ఐపీఎస్ ప్రవీణ్ సూద్ పేరును ఖరారు చేశారు. ఐపీఎస్ అధికారి ప్రవీణ్ సూద్ ప్రస్తుతం కర్ణాటక డీజీపీగా పనిచేస్తున్నారు. సుబోధ్ కుమార్ జైస్వాల్ పదవీకాలం పూర్తయిన తర్వాత రెండేళ్లపాటు సీబీఐ డైరెక్టర్‌గా ప్రవీణ్‌సూద్‌ను నియమించేందుకు కాంపిటెంట్ అథారిటీ ఆమోదాన్ని తెలియజేస్తున్నట్లు సిబ్బంది , శిక్షణ శాఖ ఉత్తర్వుల్లో పేర్కొంది.
సీబీఐ చీఫ్‌ పదవికి ముగ్గురి పేర్లు పరిశీలనలో ఉన్నాయి
అంతకుముందు శనివారం సాయంత్రం ప్రధాని నరేంద్ర మోదీ, సుప్రీంకోర్టు ప్రధాన న్యాయమూర్తి జస్టిస్‌ డీవీఈ చంద్రచూడ్‌, లోక్‌సభలో ప్రతిపక్ష నేత అధిర్‌ రంజన్‌ చౌదరి మధ్య ఉన్నతస్థాయి సమావేశం జరిగింది. ఈ సమావేశంలో సిబిఐ డైరెక్టర్ పదవికి ముగ్గురు సీనియర్ ఐపిఎస్ అధికారులను ఎంపిక చేసినట్లు వర్గాలు తెలిపాయి.
ప్రవీణ్ సూద్ 1986 బ్యాచ్ ఐపీఎస్ అధికారి. సీబీఐ డైరెక్టర్ పదవి రేసులో ఆయన పేరు ఇప్పటికే ముందు వరుసలో ఉంది. ప్రవీణ్ సూద్ కర్ణాటక డీజీపీగా ఉన్నారు. ఆయనతో పాటు మధ్యప్రదేశ్ డీజీపీ సుధీర్ కుమార్ సక్సేనా, డైరెక్టర్ జనరల్ ఆఫ్ ఫైర్ సర్వీసెస్, సివిల్ డిఫెన్స్, హోంగార్డు తాజ్ హసన్ పేర్లను కూడా కమిటీ షార్ట్ లిస్ట్ చేసింది.
Vastu: వాస్తు ప్రకారం చెప్పుల స్టాండ్ ఏ దిశలో పెడితే మంచిదో తెలుసుకోండి ...
సిబిఐ డైరెక్టర్‌ను ప్రధానమంత్రి, సిజెఐ , లోక్‌సభలో ప్రతిపక్ష నేతతో కూడిన కమిటీ రెండేళ్లపాటు నిర్ణీత కాలానికి ఎంపిక చేస్తుంది. వీరి పదవీ కాలాన్ని ఐదేళ్ల వరకు పొడిగించవచ్చు. ఈ సమావేశంలో కొత్త సెంట్రల్ విజిలెన్స్ కమిషనర్ , లోక్‌పాల్ సభ్యుని నియామకానికి అవకాశం ఉన్న అభ్యర్థుల గురించి కూడా చర్చించినట్లు వర్గాలు తెలిపాయి.
