Maharashtra Shocker: గర్భిణీపై అమానుషం, జుట్టు పట్టుకుని లాగి కింద పడేసి మరీ కొట్టిన మాజీ సర్పంచ్, అతని భార్య, ఇద్దర్ని అరెస్ట్ చేసిన పోలీసులు

Satara, Jan 20: మహారాష్ట్రలో దారుణ ఘటన (Maharashtra Shocker) చోటు చేసుకుంది. సాటి మహిళ, గర్భిణి అని చూడకుండా అత్యంత పాశవికంగా ఆమె పై దాడి చేశారు. మహారాష్ట్రలోని సతారా జిల్లాలో అటవీ శాఖలో పనిచేస్తున్న గర్భిణి అధికారి పై పల్సవాడే మాజీ సర్పంచ్‌ అతని భార్య అత్యంత అమానుషంగా దాడిచేశారు. మహిళా అటవీ శాఖాధికారులు తనకు సమాచారం ఇవ్వకుండా కూలీలను వేరే స్థలంలో పనిలో పెట్టుకున్నారని స్థానిక అటవీ కమిటీలో మాజీ సర్పంచ్ రామచంద్ర గంగారాం మండిపడ్డారు

అంతేకాదు మాజీ సర్పంచ్‌ సోమవారం మహిళా అధికారిణిని ఫోన్‌లో బెదిరించాడు కూడా. ఈ మేరకు మాజీ సర్పంచ్‌ రామచంద్ర గంగారాం జంకర్, అతని భార్య ప్రగతి జంకర్‌ మహిళా అటవీ అధికారి, ఆమె భర్త పై దాడి చేశారు. పైగా మాజీ సర్పంచ్‌ భార్య ప్రగతి జంకర్‌ (former sarpanch and his wife) సాటి మహిళ, గర్భిణి అనే కనికరం లేకుండా అటవీ అధి​కారి జుట్లు పట్టుకుని లాగి కిందపడేసి (Pregnant Forest Staff Pulled By Hair), చెప్పుతో కొట్టి అవమానించారు.

మంత్రాలు చేస్తున్నారంటూ..తండ్రి, ఇద్దరు కొడుకులను కిరాతకంగా చంపిన ప్రత్యర్థులు, జగిత్యాల జిల్లాలో దారుణ ఘటన, కేసు నమోదు చేసుకుని దర్యాప్తు చేస్తున్న పోలీసులు

ఈ మేరకు ఈ ఘటనను ఆ మహిళా ఆఫీసర్‌ భర్త, అటవీ సిబ్బంది రికార్డు చేసి సోషల్‌ మీడియాలో పోస్ట్‌ చేశారు. దీంతో పోలీసులు రంగంలోకి దిగి మాజీ సర్పంచ్‌ని అతని భార్యను అదుపులోకి తీసుకుని అరెస్ట్‌ చేశారు.

(The above story first appeared on LatestLY on Jan 20, 2022 04:09 PM IST. For more news and updates on politics, world, sports, entertainment and lifestyle, log on to our website latestly.com).