Manipur Violence: మణిపూర్‌లో బిక్కుబిక్కుమంటూ తెలుగు విద్యార్థులు, ఇంపాల్‌ ఎన్‌ఐటీలో చదువుతున్న 100మంది తెలుగు విద్యార్థులు సాయం కోసం ఎదురు చూపులు

మణిపూర్‌లో శాంతిభద్రతలను పునరుద్ధరించేందుకు కేంద్ర ప్రభుత్వం అవసరమైన అన్ని చర్యలు తీసుకుంటోందని కేంద్ర మంత్రి కిరణ్ రిజిజు శనివారం తెలిపారు. కేంద్ర హోంమంత్రి స్వయంగా పరిస్థితిని పర్యవేక్షిస్తున్నారని, అవసరమైన అన్ని చర్యలు తీసుకుంటున్నారని రిజిజు ఒక కార్యక్రమంలో పాల్గొన్న సందర్భంగా విలేకరులతో అన్నారు. చర్చలకు పిలుపునిస్తూ, రెండు వర్గాల మధ్య మత హింస చాలా దురదృష్టకర సంఘటన అని అన్నారు. అనేక మంది ప్రాణాలు కోల్పోయారు. ఆస్తి నష్టం జరిగింది.

అరుణాచల్ ప్రదేశ్‌కు చెందిన కేంద్ర మంత్రి రిజిజు మాట్లాడుతూ ప్రధాని నరేంద్ర మోడీ నాయకత్వంలో మొత్తం ఈశాన్య రాష్ట్రాలు వేగంగా అభివృద్ధి చెందుతోందని అన్నారు. హింసకు తావులేకుండా చూడాలి. ఇటువంటి సంఘటనలు ప్రజల భవిష్యత్తును ప్రభావితం చేస్తాయి. యువత, మహిళలకు చాలా హాని కలిగిస్తాయి. అందమైన ఈశాన్య రాష్ట్రాల అభివృద్ధిని ముందుకు తీసుకెళ్లాలంటే శాంతి అవసరమన్నారు. శాంతి ఉన్నప్పుడే సమాజం పురోగమిస్తుంది. హోం మంత్రిత్వ శాఖ ఆదేశించిన బలగాల మోహరింపుకు ప్రజలు మద్దతు ఇవ్వాలని ఆయన కోరారు.

మణిపూర్‌లో బిక్కుబిక్కుమంటూ తెలుగు విద్యార్థులు. ఇంపాల్‌ ఎన్‌ఐటీలో చదువుతున్న 100మంది తెలుగు విద్యార్థులు. హింసాత్మక ఘటనలతో అక్కడే చిక్కుకున్న తెలుగు విద్యార్థులు. తినడానికి తిండి కూడా లేదని ఆవేదన వ్యక్తం చేస్తున్న విద్యార్థులు. #Breakignews #ManipurViolence

— NTV Breaking News (@NTVJustIn) May 6, 2023

మరోవైపు మణిపూర్‌ రాష్ట్ర రాజధాని ఇంఫాల్‌ లోని ఎన్‌ఐటీ కాలేజీలో చదువుతున్న 100మంది తెలుగు విద్యార్థులు బిక్కు బిక్కు మంటున్నారు. హింసాత్మక ఘటనలతో అక్కడే చిక్కుకున్న తెలుగు విద్యార్థులు. తినడానికి తిండి కూడా లేదని ఆవేదన వ్యక్తం చేస్తున్న విద్యార్థులు. మణిపూర్ లో ఇతర రాష్ట్రాల విద్యార్థులను తరలించే ప్రక్రియ స్థితిని తనిఖీ చేయడానికి అధికారులతో సమావేశం నిర్వహించినట్లు మణిపూర్ సీఎం బీరెన్ సింగ్ తెలిపారు.

(The above story first appeared on LatestLY on May 06, 2023 05:56 PM IST. For more news and updates on politics, world, sports, entertainment and lifestyle, log on to our website latestly.com).