Same Day - Same Way: అదే రోజు.. అదే తరహా సూసైడ్.. మధ్యప్రదేశ్ లో బురారీ తరహా ఘటన.. ఉరివేసుకుని బలవన్మరణానికి పాల్పడ్డ రైతు కుటుంబం
ఆరేండ్ల కిందట అంటే 2018లో సరిగ్గా జూలై 1న ఉత్తర ఢిల్లీలోని బురారీలో ఒకే కుటుంబానికి చెందిన 11 మంది ఉరేసుకొని సామూహికంగా ఆత్మహత్య చేసుకోవడం దేశవ్యాప్తంగా సంచలనం రేపింది.
Bhopal, July 2: ఆరేండ్ల కిందట అంటే 2018లో సరిగ్గా జూలై 1న ఉత్తర ఢిల్లీలోని (Delhi) బురారీలో (Burari) ఒకే కుటుంబానికి చెందిన 11 మంది ఉరేసుకొని సామూహికంగా ఆత్మహత్య చేసుకోవడం దేశవ్యాప్తంగా సంచలనం రేపింది. కొన్నాళ్లపాటు ఆ ఘటనను ఎవ్వరూ మరిచిపోలేదు. ఇదే తరహా ఘటన మధ్యప్రదేశ్ లో తాజాగా చోటుచేసుకున్నది. అలీరాజ్ పూర్ జిల్లాలో ఓ రైతు కుటుంబంలోని ఐదుగురు సభ్యులు ఉరివేసుకుని బలవన్మరణానికి పాల్పడటం కలకలం రేపింది. తల్లిదండ్రులు, ముగ్గురు పిల్లలు అనుమానాస్పద స్థితిలో సోమవారం తమ ఇంట్లోని సీలింగ్ కు వేలాడుతూ, మరణించి కనిపించారు.
Same day, same way: 5 of same family found hanging in MP similar to Delhi's Burari-like incident 🤯 pic.twitter.com/7j18aoNMVf
— Ottindia (@Ottindiaa) July 1, 2024
తలుపులు తెరువకపోవడంతో..
మృతులను రాకేశ్ సింగ్, ఆయన భార్య లలిత, కుమార్తె లక్ష్మి, కుమారులు ప్రకాశ్, అక్షయ్ గా గుర్తించారు. పొద్దున అయినప్పటికీ ఇంటి నుంచి బయటకు రాకపోవడంతో.. బంధువులు వీరి ఇంటికి వచ్చి, తలుపులు తెరచి చూసే సరికి మృతదేహాలు కనిపించడంతో, పోలీసులకు సమాచారం ఇచ్చారు. బలవన్మరణానికి గల కారణాలు తెలియాల్సి ఉంది.
(The above story first appeared on LatestLY on Jul 02, 2024 09:50 AM IST. For more news and updates on politics, world, sports, entertainment and lifestyle, log on to our website latestly.com).
