(Photo Credits: Flickr)

ప్రతీ ఒక్కరూ తన జీవిత భాగస్వామిలో మంచి లక్షణాలు ఉండాలని కోరుకుంటారు. తమను అర్థం చేసుకునే, తమతో ప్రేమగా మెలిగే జీవిత భాగస్వామి రావాలని కలలు కంటారు. హిందూ సాంప్రదాయంలో పెళ్లి విషయంలో జాతకాలు చూడటం తప్పనిసరి. వధూవరుల జాతకం కలిస్తేనే పెళ్లి నిశ్చయిస్తారు. జ్యోతిష్య శాస్త్రం ప్రకారం కొన్ని రాశుల వారు జీవిత భాగస్వామిని చాలా బాగా చూసుకుంటారు. ఒకరకంగా ఆ రాశి వారు జీవిత భాగస్వామిగా దొరకడం అదృష్టమనే చెప్పాలి. ఇంతకీ ఆ రాశులేంటో ఇప్పుడు తెలుసుకుందాం...

వృషభ రాశి :

జ్యోతిష్యం ప్రకారం వృషభ రాశి వారు మంచి గుణ గణాలు కలిగి ఉంటారు. ఈ రాశుల వారు తమ జీవిత భాగస్వామిని బాగా చూసుకుంటారు. ఈ వ్యక్తులకు జీవిత భాగస్వామిని ఎలా సంతోషపెట్టాలో తెలుసు. వృషభ రాశి వారు నమ్మదగినవారు, నిజాయితీపరులు. మంచి స్నేహితులుగా నిరూపించుకుంటారు.

సింహ రాశి :

జ్యోతిష్యం ప్రకారం సింహరాశి వారు తమ జీవిత భాగస్వామిని చాలా ప్రేమిస్తారు. ఈ వ్యక్తులు ప్రతిదానిలో నిపుణులు. తమ జీవిత భాగస్వామి పట్ల చాలా శ్రద్ధ వహిస్తారు. ప్రతి పనిలో వారికి సహాయంగా నిలుస్తారు. సింహరాశి ప్రజలు స్వతహాగా కష్టపడే తత్వం ఉన్నవారు. తమ కష్టాన్ని బట్టి ఈ వ్యక్తులు ప్రతి పనిలో విజయం సాధిస్తారు.

కర్కాటక రాశి :

జ్యోతిష్య శాస్త్రం ప్రకారం కర్కాటశి వారు తమ భాగస్వామి కోరుకున్నది చేసేందుకు సిద్ధంగా ఉంటారు. తమ జీవిత భాగస్వామిని సంతోషపెట్టడానికి ఏ స్థాయికైనా వెళ్లడానికి కూడా సిద్ధంగా ఉంటారు. కర్కాటక రాశి వారు చాలా ధర్మవంతులు. అన్ని విషయాల్లో నైపుణ్యం కలిగి ఉంటారు.

మీనరాశి :

జ్యోతిష్య శాస్త్రం ప్రకారం మీనరాశి వారు ప్రతి పనిలోనూ నిష్ణాతులుగా భావిస్తారు. ఈ వ్యక్తులు తమ స్నేహితురాలు లేదా భార్య కోసం ఏదైనా చేయడానికి సిద్ధంగా ఉంటారు. ఈ రాశుల వారు ఇతరులకు సాయం చేయడంలో ఎప్పుడూ ముందుంటారు.