Influencer Rima: అభ్యంతరకర వీడియోలు పోస్ట్, సోషల్ మీడియా ఇన్ఫ్లుయెన్సర్ రీమాకు బిగ్ షాక్, దేశం విడిచి వెళ్లాల్సిందేనని ఆదేశాలు జారీ చేసిన ఖతార్ ప్రభుత్వం..
Influencer Rima: సోషల్ మీడియాలో నిబంధనలకు విరుద్ధంగా అభ్యంతరకర కంటెంట్ను పోస్ట్ చేసిందనే ఆరోపణలపై అల్జీరియన్-ఫ్రెంచ్ సోషల్ మీడియా ఇన్ఫ్లుయెన్సర్ ‘రీమా’ను ఖతార్ అధికారులు దేశం నుండి బహిష్కరించారు. దోహాకు చేరుకున్న కొద్దిరోజులకే ప్రజా మర్యాదలకు భంగం కలిగిస్తూ.. బహిరంగంగా తన శరీరాన్ని ప్రదర్శించేలా ఉన్న వీడియోలు, చిత్రాలను సోషల్ మీడియాలో పంచుకున్నందుకు గానూ అధికారులు ఈ చర్యలు తీసుకున్నట్లు సమాచారం.
అల్జీరియాలోని బెజైయా నగరానికి చెందిన రీమా.. జూలై 19న తన వ్యక్తిగత సోషల్ మీడియా ఖాతాలో పోస్ట్ చేసిన ఒక వీడియో ద్వారా ఈ ఉదంతాన్ని స్వయంగా వెల్లడించింది. దేశం నుండి బహిష్కరించే ముందు ఖతార్ అధికారులు తనను రెండు రోజుల పాటు నిర్బంధంలో ఉంచారని పేర్కొంటూ.. అందుకు సంబంధించిన అధికారిక బహిష్కరణ పత్రం (Deportation Paper) యొక్క చిత్రాన్ని కూడా ఆమె నెట్టింట పంచుకుంది. ఖతార్ దేశం అధికారికంగా సంతాప దినాలు పాటిస్తున్న సమయంలో ఆమె ఇటువంటి కంటెంట్ను Influencer Rima పోస్ట్ చేయడం గమనార్హం.
తాను ఒక ముస్లిం అయినప్పటికీ ఇస్లామిక్ మార్గదర్శకాలను ఎల్లప్పుడూ పూర్తిగా పాటించనని రీమా అంగీకరించింది. అయితే, భవిష్యత్తులో తన విశ్వాసాలకు మరింత కట్టుబడి తిరిగి ఖతార్కు రావాలని ఆశిస్తున్నట్లు ఆమె తన వీడియోలో పేర్కొంది.
ఇస్లామిక్ సూత్రాల ప్రకారం ఖతార్లో ప్రజా మర్యాద, ప్రవర్తనా నియమావళి చట్టాలు అత్యంత కఠినంగా ఉంటాయి. విదేశీ సందర్శకులు లేదా ప్రవాసులు సోషల్ మీడియాలో అభ్యంతరకర కంటెంట్ పోస్ట్ చేస్తే కఠిన చట్టపరమైన చర్యలతో పాటు దేశ బహిష్కరణను ఎదుర్కోవాల్సి ఉంటుంది. ఈ సంఘటన రెడ్డిట్ వంటి అంతర్జాతీయ ప్లాట్ఫారమ్లలో చర్చకు దారితీసింది. కొందరు ఖతార్ స్థానిక నిబంధనలను సమర్థించగా, మరికొందరు ఈ చర్యల తీవ్రతను ప్రశ్నిస్తున్నారు. గల్ఫ్ దేశాలలో సాంప్రదాయ సాంస్కృతిక ప్రమాణాలకు, సోషల్ మీడియా భావప్రకటన స్వేచ్ఛకు మధ్య ఉన్న వ్యత్యాసాలను ఈ సంఘటన మరోసారి తెరపైకి తెచ్చింది. తాజా సమాచారం ప్రకారం, దేశ బహిష్కరణ ప్రక్రియల అనంతరం రీమా ఖతార్ను విడిచిపెట్టి వెళ్ళిపోయింది.
(గమనిక: ఈ వార్తతో పాటు ఖతార్ యువరాణి షేఖా సల్వాకు ముడిపెడుతూ సోషల్ మీడియాలో ప్రచారంలోకి వచ్చిన లైంగిక కుంభకోణం వార్త కేవలం పాత, నకిలీ వార్త (Fake News) అని వాస్తవ తనిఖీల్లో తేలింది.)
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
