Viral Video: వీడియో ఇదిగో.. నీటిలో కొట్టుకుపోతున్న యువకుడిని కాపాడిన నవ వధువు.. తన చున్నీనా తాడుగా మలిచి..
హిమాచల్ ప్రదేశ్లో కురుస్తున్న రికార్డు స్థాయి భారీ వర్షాలు, మెరుపు వరదలతో చంబా జిల్లా అతలాకుతలమవుతోంది. కొండచరియలు విరిగిపడటంతో ప్రధాన రహదారులు, వంతెనలు తీవ్రంగా దెబ్బతిన్నాయి.
Chamba flash flood Viral Video: హిమాచల్ ప్రదేశ్లో కురుస్తున్న రికార్డు స్థాయి భారీ వర్షాలు, మెరుపు వరదలతో చంబా జిల్లా అతలాకుతలమవుతోంది. కొండచరియలు విరిగిపడటంతో ప్రధాన రహదారులు, వంతెనలు తీవ్రంగా దెబ్బతిన్నాయి. ఈ విపత్కర పరిస్థితుల నడుమ, చంబా జిల్లాలోని భట్టియాట్ నియోజకవర్గ పరిధిలో చోటుచేసుకున్న ఒక ఘటన స్థానికులను, అధికారులను తీవ్రంగా ఆకట్టుకుంది.
ఘటాష్నిలోని మామ్లా గ్రామానికి చెందిన ఒక వ్యక్తి సోమవారం సాయంత్రం వేళ తన ద్విచక్రవాహనంపై ప్రయాణిస్తుండగా.. ఉన్నట్టుండి ఒక్కసారిగా ఉప్పొంగిన ఆకస్మిక వరద నీటిలో చిక్కుకున్నాడు. నీటి ప్రవాహం హోరున పెరుగుతుండటంతో బైక్తో సహా ఆ వ్యక్తి కొట్టుకుపోవడం ప్రారంభమైంది. ప్రాణభయంతో ఆయన ‘కాపాడండి.. కాపాడండి’ అని వేడుకుంటుండగా, ఆ మార్గంలో నడుచుకుంటూ వెళ్తున్న ఓ నవవధువు.. ఆమె బంధువులు ఈ భయానక దృశ్యాన్ని గమనించారు.
సమయస్ఫూర్తితో వ్యవహరించిన ఆ నవవధువు.. క్షణం కూడా ఆలోచించకుండా తన మెడలోని చున్నీని తొలగించి, ఆ వరద నీటిలో పోరాడుతున్న బైకర్ వైపు తాడులా విసిరింది. నీటి ఉద్ధృతికి కొట్టుకుపోతున్న ఆ వ్యక్తి చున్నీని గట్టిగా పట్టుకోగా.. ఆ వధువు, ఆమెతో ఉన్న మరో మహిళ శక్తులన్నీ ఒడ్డి అతడిని ఒడ్డుకు లాగడం ప్రారంభించారు. వారి ధైర్యసాహసాలను చూసి సమీపంలో ఉన్న మరో స్థానికుడు కూడా వెంటనే పరుగెత్తుకొచ్చి సాయమందించడంతో, ముగ్గురూ కలిసి ఆ బైకర్ను మృత్యుముఖం నుంచి సురక్షితంగా బయటకు లాగారు.
Couple Uses Dupatta to Save Biker Trapped in Flash Flood
A biker caught in a sudden flash flood in Himachal Pradesh's Chamba was pulled to safety by a family who risked the strong current to help him. The incident took place on the Kakiara-Tunuhatti road in the Bharmala area of Bhatiyat after heavy rain late in the evening caused water… pic.twitter.com/pdvEimLaER
— NDTV (@ndtv) September 1, 2026
హిమాచల్ ప్రదేశ్ వ్యాప్తంగా నదులు, వాగులు ప్రమాదకర స్థాయిలో ప్రవహిస్తుండటంతో అధికారులు ఇప్పటికే రెడ్ అలర్ట్ ప్రకటించారు. సొంత ప్రాణాలను సైతం లెక్కచేయకుండా సమయస్ఫూర్తి, ధైర్యసాహసాలతో ఒకరి ప్రాణాన్ని కాపాడిన ఆ నవవధువు సాహసాన్ని నెటిజన్లతో పాటు స్థానికులు, ప్రభుత్వ అధికారులు విశేషంగా కొనియాడుతున్నారు.
(The above story first appeared on LatestLY on Sep 01, 2026 05:48 PM IST. For more news and updates on politics, world, sports, entertainment and lifestyle, log on to our website latestly.com).
