EPFO WhatsApp Channel: ఉద్యోగులకు గుడ్‌న్యూస్.. EPFO సేవలు ఇక WhatsAppలో.. అధికారిక ఛానెల్‌లో చేరే విధానం ఇదే..

EPFO WhatsApp Channel: ఉద్యోగుల భవిష్య నిధి సంస్థ (EPFO) తన సభ్యులు, ఉద్యోగులు, పింఛనుదారులకు డిజిటల్ సేవలను మరింత వేగవంతంగా, సులభంగా అందించే దిశగా మరొక కీలక నిర్ణయం తీసుకుంది. తమ సేవల సమాచారాన్ని ఎప్పటికప్పుడు సులభంగా అందించేందుకు గానూ అధికారిక వాట్సాప్ (WhatsApp) ఛానెల్‌ను ప్రారంభించినట్లు ఈపీఎఫ్‌ఓ సామాజిక మాధ్యమం 'X' (ట్విట్టర్) వేదికగా ప్రకటించింది.

"ఈపీఎఫ్‌ఓ ఇప్పుడు వాట్సాప్‌లో కూడా అందుబాటులోకి వచ్చింది. ముఖ్యమైన అప్‌డేట్‌లు, ఉపయోగకరమైన సమాచారాన్ని నేరుగా పొందడానికి ఈపీఎఫ్‌ఓ అధికారిక వాట్సాప్ ఛానెల్‌లో చేరండి" అని ఆ పోస్ట్‌లో పేర్కొంది. సభ్యులు సులభంగా ఈ ఛానెల్‌లో చేరేందుకు వీలుగా ఒక డైరెక్ట్ లింక్‌తో పాటు ఒక క్యూఆర్‌ (QR) కోడ్‌తో కూడిన ప్రత్యేక వీడియోను కూడా సంస్థ పంచుకుంది. మొబైల్ ఫోన్ వినియోగదారులు ఆ లింక్ లేదా క్యూఆర్ కోడ్ ద్వారా నేరుగా వాట్సాప్‌లోని ఈపీఎఫ్‌ఓ ఛానెల్‌కు చేరుకోవచ్చు.

EPFO కొత్త రూల్స్.. PF డబ్బులు విత్‌డ్రా చేసుకునే ముందు ఈ 3 మార్పులు తెలుసుకోండి

ఈ నూతన వాట్సాప్ ఛానెల్ ద్వారా పిఎఫ్ (PF) సేవలకు సంబంధించిన తాజా మార్పులు, వడ్డీ రేట్ల వివరాలు, క్లెయిమ్ ప్రక్రియలు, పెన్షనర్లకు సంబంధించిన నిబంధనలు, ఇతర ముఖ్యమైన డిజిటల్ పరిణామాలను సభ్యులు నేరుగా తమ వాట్సాప్‌లోనే పొందే వెసులుబాటు లభించనుంది. పింఛనుదారులు, చందాదారులకు సమాచార ప్రాప్యతను మరింత పెంచేందుకే ఈ నిర్ణయం తీసుకున్నట్లు సంస్థ తెలిపింది.

(The above story first appeared on LatestLY on Sep 15, 2026 09:42 AM IST. For more news and updates on politics, world, sports, entertainment and lifestyle, log on to our website latestly.com).