Infosys Hiring: ఇన్ఫోసిస్ గుడ్ న్యూస్, ఈ ఏడాది 20,000 మంది ఫ్రెషర్లను నియమించుకోనున్నట్లు ప్రకటన
ఐటి దిగ్గజం ఇన్ఫోసిస్ ప్రస్తుత ఆర్థిక సంవత్సరం (ఎఫ్‌వై 25) ఏప్రిల్-జూన్ త్రైమాసికంలో 1,908 ఉద్యోగులను తీసివేసినట్లు గురువారం నివేదించింది. వృద్ధిని బట్టి ఈ ఏడాది 20,000 మంది ఫ్రెషర్లను నియమించుకోవాలని చూస్తున్నామని కంపెనీ త్రైమాసిక ఆదాయాల సందర్భంగా కంపెనీ చీఫ్ ఫైనాన్షియల్ ఆఫీసర్ (CFO) జయేష్ సంఘ్‌రాజ్కా తెలిపారు.
బెంగళూరు, జూలై 18: ఐటి దిగ్గజం ఇన్ఫోసిస్ ప్రస్తుత ఆర్థిక సంవత్సరం (ఎఫ్‌వై 25) ఏప్రిల్-జూన్ త్రైమాసికంలో 1,908 ఉద్యోగులను తీసివేసినట్లు గురువారం నివేదించింది. వృద్ధిని బట్టి ఈ ఏడాది 20,000 మంది ఫ్రెషర్లను నియమించుకోవాలని చూస్తున్నామని కంపెనీ త్రైమాసిక ఆదాయాల సందర్భంగా కంపెనీ చీఫ్ ఫైనాన్షియల్ ఆఫీసర్ (CFO) జయేష్ సంఘ్‌రాజ్కా తెలిపారు.
ప్రస్తుతం కంపెనీలో మొత్తం ఉద్యోగుల సంఖ్య 315,332గా ఉంది, మార్చి త్రైమాసికం చివరినాటికి 317,240 నుండి తగ్గింది. సంవత్సరానికి (YoY) ప్రాతిపదికన, మొత్తం ఉద్యోగుల సంఖ్య 20,962 తగ్గింది. కాగా ఇన్ఫోసిస్‌కి వరుసగా ఆరో త్రైమాసికంలో ఉద్యోగుల సంఖ్య తగ్గుముఖం పట్టింది. గత ఆర్థిక సంవత్సరం నాలుగో త్రైమాసికంలో, ఇన్ఫోసిస్ 5,423 మంది ఉద్యోగులను నికరంగా తగ్గించింది.
నిరుద్యోగులకు విప్రో గుడ్ న్యూస్, 10 వేల నుంచి 12 వేల మందిని ఉద్యోగాల్లోకి తీసుకోనున్నట్లు ప్రకటన
మా వినియోగం ఇప్పటికే 85 శాతంగా ఉంది. కాబట్టి మాకు ఇప్పుడు కొంచెం హెడ్‌రూమ్ మిగిలి ఉంది. మేము వృద్ధిని చూడటం ప్రారంభించినందున, ఈ సంవత్సరం 15,000 నుండి 20,000 మంది ఫ్రెషర్లను నియమించుకోవాలని చూస్తున్నాము" అని కంపెనీ తెలిపింది.2023-24 ఇదే కాలంతో పోలిస్తే ప్రస్తుత ఆర్థిక సంవత్సరం ఏప్రిల్-జూన్ త్రైమాసికానికి ఇన్ఫోసిస్ నికర లాభం 7.1 శాతం పెరిగి రూ.6,368 కోట్లకు చేరుకుంది. తొలి త్రైమాసికంలో కార్యకలాపాల ద్వారా రూ.39,315 కోట్లకు ఆదాయం 3.6 శాతం పెరిగిందని కంపెనీ రెగ్యులేటరీ ఫైలింగ్‌లో పేర్కొంది.
(The above story first appeared on LatestLY on Jul 19, 2024 10:35 PM IST. For more news and updates on politics, world, sports, entertainment and lifestyle, log on to our website latestly.com).
