Vivo Y58 5G could debut as a successor to Vivo Y56 5G (photo-Vivo)

ప్రముఖ స్మార్ట్ ఫోన్ మేకర్ వివో తన వివో వై58 5జీ స్మార్ట్‌ఫోన్‌ను త్వరలో భారత్ మార్కెట్లో ఆవిష్కరించనున్నది. క్వాల్ కామ్ స్నాప్ డ్రాగన్ 4 జెన్ 2 ఎస్వోసీ, 8 జీబీ ర్యామ్, 50-మెగా పిక్సెల్ డ్యుయల్ రేర్ కెమెరా, 44వాట్ల ఫాస్ట్ చార్జింగ్ మద్దతుతో కూడిన 6,000 ఎంఏహెచ్ కెపాసిటీ గల బ్యాటరీతో ఈ స్మార్ట్ ఫోన్ మార్కెట్లోకి వస్తోంది. వివో వై58 5జీ ఫోన్ 120 హెర్ట్జ్ రీఫ్రెష్ రేటుతోపాటు 6.72 అంగుళాల ఫుల్ హెచ్ డీ+, 1024 నిట్స్ పీక్ బ్రైట్ నెస్, క్వాల్ కామ్ స్నాప్ డ్రాగన్ ప్రాసెసర్ వంటి ఫీచర్లు ఇందులో ఉన్నాయి.  25 ఏళ్ళ తరువాత భారత మార్కెట్లోకి మళ్ళీ నోకియా 3210 4జీ ఫీచర్ ఫోన్, ధర, ఫీచర్లపై ఓ లుక్కేసుకోండి

8 జీబీ ర్యామ్ విత్ 128 జీబీ స్టోరేజీ ఆప్షన్ తో అందుబాటులో ఉండే ఫోన్ లో మైక్రో ఎస్డీ కార్డు ఒక టిగా బైట్ వరకూ స్టోరేజీ కెపాసిటీ పెంచుకోవచ్చు. వర్చువల్ గా ర్యామ్ 8 జీబీ వరకూ విస్తరించుకోవచ్చు. డ్యుయల్ రేర్ కెమెరాతో వస్తున్న వివో వై58 5జీ ఫోన్ 50-మెగా పిక్సెల్ ప్రైమరీ సెన్సర్ కెమెరా, 2-మెగా పిక్సెల్ షూటర్, సెల్ఫీలూ వీడియో కాల్స్ కోసం 8-మెగా పిక్సెల్ సెన్సర్ కెమెరా ఉంటాయి. డ్యుయల్ స్పీకర్స్, అథంటికేషన్ అండ్ సెక్యూరిటీ కోసం సైడ్ మౌంటెడ్ ఫింగర్ ప్రింట్ సెన్సర్ ఉంటుంది.