QuickLY
Socially
Hyderabad, May 19: యంగ్‌ టైగర్‌ ఎన్టీఆర్‌ (NTR), కొరటాల శివ (Koratala Shiva) కాంబినేషన్‌లో వస్తున్న మూవీ దేవర (Devara). పాన్‌ ఇండియా స్థాయిలో మూవీ తెరకెక్కుతున్నది. ఈ మూవీపై అభిమానుల్లో భారీగా అంచనాలున్నాయి. దాదాపు రూ.300 కోట్ల బడ్జెట్‌తో తెరకెక్కిస్తుండగా అభిమానులు ఆసక్తిగా ఎదురుచూస్తున్నారు. ఇక ఈ మూవీలో బాలీవుడ్‌ బ్యూటీ జాన్వీ కపూర్‌ (Janhnvi Kapoor) హీరోయిన్‌ నటిస్తున్నది. ఇక సీనియర్‌ బాలీవుడ్‌ నటుడు సైఫ్‌ అలీఖాన్‌ (Saif Alikhan) ప్రతినాయకుడి పాత్రలో నటిస్తున్నారు. ఈ నెల 20న ఎన్టీఆర్‌ బర్త్‌డే సందర్భంగా అభిమానులకు కానుకగా దేవర మూవీ నుంచి ఫస్ట్ సాంగ్‌ని మేకర్స్‌ విడుదల చేశారు.
‘ఫియర్‌’ సాంగ్ అభిమానులను ఆకట్టుకుంటున్నది. ఇందులో ప్రతి పదం గూస్ బంప్స్ తెప్పించేలా ఉన్నది. అనిరుధ్‌ రవిచంద్ర (Anirudh Ravichander) మ్యూజిక్‌ను ఇరగదీశారు. ఈ పాటను తెలుగులో రామజోగయ్య శాస్త్రి, హిందీలో మనోజ్‌ ముంతాషిర్‌, తమిళంలో విష్ణు ఏడవన్‌, కన్నడలో ఆజాద్‌ వరదరాజ్‌, మలయాళంలో గోపాలకృష్ణ రాశారు. ఇదిలా ఉండగా.. దేవర మూవీ రెండు భాగాలుగా తెరకెక్కతున్నది. దేవర తొలి భాగంగా ఈ ఏడాది అక్టోబర్‌ 10న దసరా కానుకగా విడుదల కానున్నది.
