Bandaru Dattatreya: హర్యానా గవర్నర్ బండారు దత్తాత్రేయ కాన్వాయ్ కి ప్రమాదం.. హైదరాబాద్ లో ఘటన
హర్యానా గవర్నర్ బండారు దత్తాత్రేయ కాన్వాయ్ కు ఆదివారం రాత్రి ప్రమాదం జరిగింది. హైదరాబాద్ నుంచి ఢిల్లీకి వెళ్లడానికి శంషాబాద్ విమానాశ్రయానికి దత్తాత్రేయ వెళ్తున్న సమయంలో ఈ ఘటన చోటుచేసుకుంది.
Newdelhi, Oct 21: హర్యానా (Haryana) గవర్నర్ బండారు దత్తాత్రేయ (Bandaru Dattatreya) కాన్వాయ్ కు ఆదివారం రాత్రి ప్రమాదం జరిగింది. హైదరాబాద్ నుంచి ఢిల్లీకి వెళ్లడానికి శంషాబాద్ విమానాశ్రయానికి దత్తాత్రేయ వెళ్తున్న సమయంలో ఈ ఘటన చోటుచేసుకుంది. కిషన్ గూడ ట్రంపెట్ బ్రిడ్జి సమీపంలోకి వచ్చిన సమయంలో మార్గమధ్యంలో హఠాత్తుగా ఓ కారు కాన్వాయ్ మధ్యలోకి వచ్చింది. దీంతో కాన్వాయ్ లోని వాహనం డ్రైవర్ సడన్ బ్రేక్ వేశాడు. దీంతో అదుపుతప్పి కాన్వాయ్ లోని మూడు కార్లు ఢీకొన్నాయి.
హర్యానా గవర్నర్ బండారు దత్తాత్రేయకు తృటిలో తప్పిన ప్రమాదం..
దత్తాత్రేయ కాన్వాయ్కి అడ్డువచ్చిన ఓ వ్యక్తి, సడెన్ బ్రేక్ వేయడంతో ఒకదానికొకటి ఢీకొన్న మూడు వాహనాలు. హైదరాబాద్ నుంచి ఢిల్లీ వెళ్లేందుకు శంషాబాద్ ఎయిర్ పోర్టుకు వెళ్లే క్రమంలో ఘటన. pic.twitter.com/URNIV0PwsF
— ChotaNews (@ChotaNewsTelugu) October 21, 2024
దత్తన్న సేఫ్
ఈ ప్రమాద ఘటనలో సెక్యూరిటీ సిబ్బందికి స్వల్ప గాయాలయ్యాయి. దత్తాత్రేయకు ఏమీ కాలేదు. వెంటనే అప్రమత్తమైన మిగతా సిబ్బంది దత్తాత్రేయ కారు సురక్షితంగా ముందుకు పోయేలా చర్యలు తీసుకున్నారు. ఈ ఘటనపై పోలీసులు కేసు నమోదు చేశారు.
(The above story first appeared on LatestLY on Oct 21, 2024 09:08 AM IST. For more news and updates on politics, world, sports, entertainment and lifestyle, log on to our website latestly.com).
