TTD SED Tickets: తిరుమల శ్రీవారి భక్తులకు గుడ్ న్యూస్.. సోమవారం ప్రత్యేక దర్శన టికెట్లు విడుదల చేయనున్న టీటీడీ.. అంగప్రదక్షిణం టికెట్లు నేటి నుంచే అందుబాటులోకి..
తిరుమల శ్రీవారి భక్తులకు శుభవార్త. ఏడుకొండల స్వామివారి ప్రత్యేక ప్రవేశ దర్శన టికెట్లను టీటీడీ ఈ నెల 13న (సోమవారం) విడుదల చేయనుంది.
Tirumala, Feb 11: తిరుమల (Tirumala) శ్రీవారి భక్తులకు శుభవార్త. ఏడుకొండల స్వామివారి ప్రత్యేక ప్రవేశ దర్శన (Special Entry Darshan) టికెట్లను (Tickets) టీటీడీ (TTD) ఈ నెల 13న (సోమవారం) విడుదల చేయనుంది. ఈ నెల 22 నుంచి 28 వరకు ప్రత్యేక దర్శనాలకు సంబంధించి ఈ టికెట్లు విడుదల చేయనున్నట్టు టీటీడీ ఒక ప్రకటనలో వెల్లడించింది. ఉదయం 9 గంటలకు ఆన్ లైన్ లో ఉంచుతామని పేర్కొంది. తిరుమల శ్రీవారి సన్నిధిలో బాలాలయం వాయిదా పడడంతో, ఆ మేరకు ప్రత్యేక దర్శన టికెట్లను విడుదల చేస్తున్నట్టు వివరించింది.
ఇక, అంగప్రదక్షిణం టికెట్లను టీటీడీ నేడు విడుదల చేయనుంది. ఫిబ్రవరి 23 నుంచి మార్చి 31 వరకు వర్తించే ఈ అంగప్రదక్షిణం టికెట్లను ఈరోజు ఉదయం 11 గంటలకు ఆన్ లైన్ లో ఉంచనున్నారు.
— Tirumala Tirupathi updates (@ttd_updates) February 10, 2023
(The above story first appeared on LatestLY on Feb 11, 2023 08:25 AM IST. For more news and updates on politics, world, sports, entertainment and lifestyle, log on to our website latestly.com).
