QuickLY
Socially
Hong Kong, Oct 23: సైబర్ సెక్యూరిటీ నేపథ్యంలో హాంకాంగ్ ప్రభుత్వం కీలక నిర్ణయం తీసుకుంది. భద్రతా పరమైన కారణాలతో తమ కంప్యూటర్‌లలో వాట్సాప్, వీచాట్ మరియు గూగుల్ డ్రైవ్ వంటి యాప్‌లను ఉపయోగించకుండా నిషేధం విధించింది. ఈ మేరకు నూతన ఐటీ మార్గదర్శకాలను విడుదల చేసింది.
అయితే ఒకవేళ సంబంధిత కార్యాలయాల్లో మేనేజర్ అనుమతి ఉంటే ఈ యాప్‌లను వాడుకోవచ్చు. డేటా లీక్‌లు మరియు సైబర్ సెక్యూరిటీ సవాళ్ల కారణంగా కంపెనీలు ఇలాంటి విధానాలను అవలంబిస్తున్నాయని ఇన్ఫర్మేషన్ టెక్నాలజీ నిపుణులు తెలిపారు.
హ్యాకింగ్ లో సైబర్ సెక్యూరిటీ పెను సవాల్‌గా మారిన నేపథ్యంలో ఈ నిర్ణయం తీసుకున్నట్లు ఆ దేశ ఇన్నోవేషన్, టెక్నాలజీ మరియు పరిశ్రమల కార్యదర్శి సన్ డాంగ్ మంగళవారం ఒక రేడియో కార్యక్రమంలో అన్నారు. అమెరికా, చైనా ప్రభుత్వాలు కూడా తమ అంతర్గత కంప్యూటర్ వ్యవస్థల కోసం కఠిన చర్యలు తీసుకున్నాయని చెప్పారు. లేఆప్స్ షాకింగ్ న్యూస్, ఈ ఏడాది 1,41,145 మంది ఉద్యోగులను తొలగించిన 470 కంపెనీలు, భవిష్యత్తులో మరిన్ని కోతలు పడే అవకాశం
హాంకాంగ్ ఇన్ఫర్మేషన్ టెక్నాలజీ ఫెడరేషన్ గౌరవాధ్యక్షుడు ఫ్రాన్సిస్ ఫాంగ్ మాట్లాడుతూ, ఎన్‌క్రిప్టెడ్ మెసేజ్‌ల ద్వారా మాల్వేర్ తన ఫైర్‌వాల్‌ను దాటవేయకుండా నిరోధించడమే ఈ పాలసీ లక్ష్యం అని అధికారులు తనకు చెప్పారని చెప్పారు. డేటా ఉల్లంఘనలకు సంబంధించిన సమస్యలను కూడా ఇది పరిష్కరించగలదని ఆయన తెలిపారు.చాలా మంది ప్రజలకు సైబర్ సెక్యూరిటీ అవగాహన దీనికి తోడు సమగ్ర పర్యవేక్షణ లేకపోవడం వల్ల ప్రభుత్వం తీసుకున్న ఈ నిర్ణయం సరైందన్నారు.
