Lightning Strike Video: పిడుగు పడినా ప్రాణాలతో బయటపడ్డాడు.. షాకింగ్ వీడియో ఇదిగో.. బతికుండటం నా అదృష్టం కాదు, ఆశీర్వాదం’ అంటూ..
న్యూయార్క్లోని స్టాటెన్ ఐలాండ్కు చెందిన థామస్ ఫాహ్మీ ఆగస్టు 27న వర్షంలో తన కారు వైపు వెళ్తుండగా పిడుగు తాకింది. డోర్బెల్ కెమెరాలో రికార్డైన ఈ ఘటనలో అతడు కుప్పకూలినా, ఆసుపత్రిలో పరీక్షల అనంతరం తీవ్ర గాయాలు లేకుండా బయటపడ్డాడు. తనను తాను అదృష్టవంతుడిగా కాకుండా blessed గా భావిస్తున్నట్లు ఆయన చెప్పారు.
Lightning Strike Video: అమెరికాలోని న్యూయార్క్ నగరంలో గల స్టేటెన్ ఐలాండ్లో ఒక వ్యక్తి చావు అంచుల దాకా వెళ్లి అద్భుతంగా ప్రాణాలతో బయటపడ్డారు. తన కారుకు కేవలం కొన్ని అడుగుల దూరంలో నడుచుకుంటూ వెళ్తుండగా పిడుగు పడినప్పటికీ.. అతడు ప్రాణాలతో బయటపడటం స్థానికులను, వైద్యులను ఆశ్చర్యానికి గురిచేస్తోంది. ఈ సంఘటన సమీపంలోని సీసీటీవీ నిఘా కెమెరాలో రికార్డవగా.. ఆ దృశ్యాలు ప్రస్తుతం సామాజిక మాధ్యమాల్లో తీవ్రంగా వైరల్ అవుతున్నాయి.
వీడియో ఇదిగో.. నీటిలో కొట్టుకుపోతున్న యువకుడిని కాపాడిన నవ వధువు.. తన చున్నీనే తాడుగా మలిచి..
బాధితుడు థామస్ ఫామీ, గురువారం రోజున టోడ్ హిల్ రోడ్డులో తన కారుకు సుమారు 15 నుండి 25 అడుగుల దూరంలో నడుచుకుంటూ వెళ్తుండగా ఒక్కసారిగా భారీ పిడుగుపడింది. ఆ తీవ్రతకు ఆయన ఒక్కసారిగా నేలపై కుప్పకూలిపోయారు. పిడుగు పడిన క్షణంలో తన శరీరమంతా తీవ్ర విద్యుత్ షాక్కు గురైందని, పాదాల్లో విపరీతమైన మంటలు, తిమ్మిరి, నొప్పి కలిగాయని ఫామీ తెలిపారు. అంతటి విపత్కర పరిస్థితుల్లోనూ ఆయన స్పృహ కోల్పోకపోవడం విశేషం. వెంటనే తేరుకుని, నెమ్మదిగా లేచి కాపాడండి అని కేకలు వేస్తూ సమీపంలోని ఇంటి వద్దకు చేరుకున్నారు. అది గమనించిన స్టెఫానీ హోమన్ అనే స్థానిక మహిళ తక్షణమే ఆయనకు ప్రాథమిక సహాయం అందించారు.
Lightning Strike Video:
🚨 UNBELIEVABLE - A Staten Island NY man, Thomas Fahmy, was struck by Lightning on his way to a Dentist Appointment.
"Once the lightning bolt struck me, the initial sensations that I had throughout my whole body were completely unprecedented; tingling, numbness, pain, just I…
— Jay Costa (@JayCostaUSA) September 1, 2026
ఈ ఘటనలో ఫామీకి ఎలాంటి తీవ్రమైన గాయాలు లేదా శరీర భాగాలు కాలిన గుర్తులు లేకపోవడం గమనార్హం. అయినప్పటికీ, ముందుజాగ్రత్త చర్యగా ఆయనను నార్త్వెల్ స్టేటెన్ ఐలాండ్ యూనివర్సిటీ ఆసుపత్రికి తరలించారు. అక్కడ ఒక రాత్రి వైద్యుల నిశిత పర్యవేక్షణలో ఉంచిన అనంతరం శుక్రవారం డిశ్చార్జ్ చేశారు.
బాధితుడు థామస్ ఫామీ.. యుఎస్ కాంగ్రెస్ సభ్యురాలు నికోల్ మల్లియోటాకిస్ కార్యాలయంలో సిబ్బందిగా పనిచేస్తున్నారు. ఈ ఘటనపై స్పందించిన ప్రజాప్రతినిధి నికోల్, పిడుగుపాటు నుంచి ఫామీ సురక్షితంగా బయటపడటం దైవలీల అని, సహాయం అందించిన మహిళకు, వైద్యులకు ధన్యవాదాలు తెలిపారు. ఈ అనుభవం జీవితం పట్ల తన దృక్పథాన్ని పూర్తిగా మార్చివేసిందని, ప్రతి క్షణాన్నీ ఆస్వాదించాలని ఫామీ వ్యాఖ్యానించారు. యుఎస్ సీడీసీ (CDC) గణాంకాల ప్రకారం అమెరికాలో ఏటా 37 మిలియన్ల పిడుగులు పడుతుండగా.. పిడుగుపాటుకు గురయ్యే వారిలో 90 శాతం మంది ప్రాణాలతో బయటపడుతుంటారని నిపుణులు వెల్లడిస్తున్నారు.
(The above story first appeared on LatestLY on Sep 03, 2026 02:32 PM IST. For more news and updates on politics, world, sports, entertainment and lifestyle, log on to our website latestly.com).
