Samastipur Video

Samastipur, AUG 14:  ఒక దివ్యాంగుడి పట్ల రైలు గార్డు అనుచితంగా ప్రవర్తించాడు. (Train Guard Manhandles Disabled Person) అతడి కాలర్‌ పట్టుకుని దుర్భాషలాడాడు. ఆ తర్వాత ఆ వ్యక్తిని రైలు నుంచి బయటకు తోసేందుకు ఆ గార్డు ప్రయత్నించాడు. ఈ వీడియో క్లిప్‌ సోషల్‌ మీడియాలో వైరల్‌ (Viral video) అయ్యింది. బీహార్‌లోని సమస్తిపూర్‌లో ఈ సంఘటన జరిగింది. చేతి కర్రలపై ఆధారపడే దివ్యాంగుడైన వ్యక్తి ఆగస్ట్‌ 13న సమస్తిపూర్ నుంచి ముజఫర్‌పూర్‌కు వెళ్లేందుకు వైశాలి సూపర్‌ఫాస్ట్ ట్రైన్‌లోకి ఎక్కాడు. అయితే రైలు గార్డు రామ్ ఆశిష్ దాస్‌ ఆ వ్యక్తి పట్ల అనుచితంగా ప్రవర్తించాడు. వికలాంగుడి చొక్కా కాలర్‌ పట్టుకుని దుర్భాషలాడాడు.

 

ఆ తర్వాత ఆ వ్యక్తిని కంపార్ట్‌మెంట్‌ నుంచి బయటకు తోసేందుకు ప్రయత్నించాడు. దీని కోసం ఆర్పీఎఫ్‌ కానిస్టేబుల్‌ను పిలిచాడు. అయితే ఈ సంఘటన వెనుక కారణం ఏమిటన్నది తెలియలేదు. మరోవైపు ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దివ్యాంగుడి పట్ల దురుసుగా ప్రవర్శించిన గార్డు తీరుపై నెటిజన్లు మండిపడ్డారు. మానవత్వం లేని ఆ రైల్వే గార్డుపై కఠిన చర్యలు తీసుకోవాలని పలువురు డిమాండ్‌ చేశారు.