బీహార్‌లో కుటుంబ స‌భ్యుల‌కు భ‌య‌ప‌డి ఓ యువ‌తి త‌న బాయ్‌ఫ్రెండ్‌ను ట్రంకు పెట్టెలో దాచిపెట్టి తాళం వేసింది. ఈ ఘ‌ట‌న తాలూకు వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది.వీడియోని చూస్తే ట్రంకు పెట్టెలో ఉండాల్సిన‌ బ‌ట్ట‌లు, ఇత‌ర వ‌స్తువులు బ‌య‌ట చింద‌ర‌వంద‌ర‌గా ప‌డి ఉండ‌టం చూసిన కుటుంబ స‌భ్యులు అప్ప‌టివ‌ర‌కు ఇంట్లోనే ఉన్న యువ‌తిని నిల‌దీశారు.

దాంతో యువ‌తి తాను ఏమీ చేయ‌లేద‌ని బుకాయించింది. కానీ, ఆమె ప్ర‌వ‌ర్త‌న‌పై అనుమానం రావ‌డంతో త‌ల్లి, సోద‌రుడు ట్రంకు పెట్టెను తెర‌వాల్సిందిగా చెప్పారు. యువ‌తి అందులో ఏం లేద‌ని, తాను తెర‌వ‌న‌ని చెప్పింది. చివ‌ర‌కు సోద‌రుడు గ‌ట్టిగా చెప్ప‌డంతో ఆమెకు పెట్టె తెర‌వ‌క త‌ప్ప‌లేదు. అలా సోద‌రి పెట్టెను ఓపెన్ చేస్తున్న‌ స‌మ‌యంలో సోద‌రుడు వీడియో తీశాడు.

 వర్కింగ్ జర్నలిస్టులపై సుప్రీంకోర్టు సంచలన తీర్పు, జర్నలిస్టులను కొట్టినా, తిట్టినా రూ.50,000 జరిమానా.. 5 ఏళ్లు జైలు శిక్ష అని తీర్పు వెల్లడి 

పెట్టె తెరుచుకున్న వెంట‌నే అందులోంచి ఓ యువ‌కుడు బ‌య‌ట‌కు వ‌చ్చాడు. అది చూసిన కుటుంబ స‌భ్యులు షాక్ అయ్యారు. బ‌య‌ట‌కు వ‌చ్చిన ఆ యువ‌కుడు త‌న‌కేమీ తెలియ‌న‌ట్టుగా యువ‌తి వెనుక‌వైపున నిల‌బ‌డ‌డం వీడియోలో ఉంది. ఈ ఘ‌ట‌న తాలూకు వీడియో ప్ర‌స్తుతం నెట్టింట వైర‌ల్ అవుతోంది. వీడియో చూసిన నెటిజ‌న్లు అంత‌చిన్న పెట్టెలో యువ‌కుడిని ఎలా దాచి పెట్టిందంటూ ఆశ్చ‌ర్యం వ్య‌క్తం చేస్తున్నారు.

ప్రియుడ్ని ట్రంక్ పెట్టెలో దాచిన ప్రియురాలు

(ట్విట్టర్, ఇన్‌స్టాగ్రామ్ మరియు యూట్యూబ్‌తో సహా సోషల్ మీడియా ప్రపంచం నుండి సరికొత్త బ్రేకింగ్ న్యూస్, వైరల్ వార్తలకు సంబంధించిన సమాచారం సోషల్ మీడియా మీకు అందిస్తోంది. పై పోస్ట్ యూజర్ యొక్క సోషల్ మీడియా ఖాతా నుండి నేరుగా పొందుపరచడం జరిగింది. లేటెస్ట్‌లీ సిబ్బంది ఈ కంటెంట్ బాడీని సవరించలేదు లేదా సవరించకపోవచ్చు. సోషల్ మీడియా పోస్ట్‌లో కనిపించే అభిప్రాయాలు మరియు వాస్తవాలు లేటెస్ట్‌లీ అభిప్రాయాలను ప్రతిబింబించవు, అలాగే లేటెస్ట్‌లీ దీనికి ఎటువంటి బాధ్యత వహించదు.)