World Cup 2023 Warm-ups: పాక్ బౌలర్లను చీల్చి చెండాడిన ఆస్ట్రేలియా బ్యాటయర్ల, వరుసగా రెండు మ్యాచ్లో పాకిస్తాన్ పరాజయం
వరల్డ్ కప్ 2023లో తొలి రెండు మ్యాచ్లు ఆడాల్సిన వేదికపై పాకిస్తాన్ తమ రెండు ‘వామప్’ మ్యాచ్ల్లో పరాజయం పాలైంది. ఉప్పల్లోని రాజీవ్గాంధీ స్టేడియంలో గత శుక్రవారం కివీస్ చేతిలో ఓడిన పాక్ మంగళవారం ఆసీస్ చేతిలోనూ పరాజయం పాలైంది.
వరల్డ్ కప్ 2023లో తొలి రెండు మ్యాచ్లు ఆడాల్సిన వేదికపై పాకిస్తాన్ తమ రెండు ‘వామప్’ మ్యాచ్ల్లో పరాజయం పాలైంది. ఉప్పల్లోని రాజీవ్గాంధీ స్టేడియంలో గత శుక్రవారం కివీస్ చేతిలో ఓడిన పాక్ మంగళవారం ఆసీస్ చేతిలోనూ పరాజయం పాలైంది. ఈ మ్యాచ్లో ఆసీస్ 14 పరుగుల తేడాతో పాకిస్తాన్ను ఓడించింది.అయితే ఫలితాలతో సంబంధం లేకుండా ఇరు జట్లకూ మంచి బ్యాటింగ్ ప్రాక్టీస్ లభించింది.
టాస్ గెలిచి ముందుగా బ్యాటింగ్కు దిగిన ఆస్ట్రేలియా 50 ఓవర్లలో 7 వికెట్ల నష్టానికి 351 పరుగులు చేసింది. మ్యాక్స్వెల్ (71 బంతుల్లో 77; 4 ఫోర్లు, 6 సిక్స్లు), కామెరాన్ గ్రీన్ (40 బంతుల్లో 50 నాటౌట్; 4 ఫోర్లు, 1 సిక్స్), ఇన్గ్లిస్ (48), వార్నర్ (48), లబుషేన్ (40), మిచెల్ మార్ష్ (31) జట్టు భారీ స్కోరులో తలా ఓ చేయి వేశారు.
అనంతరం పాకిస్తాన్ 47.4 ఓవర్లలో 337 పరుగులకు ఆలౌటైంది. బాబర్ ఆజమ్ (59 బంతుల్లో 90 రిటైర్డ్ అవుట్; 11 ఫోర్లు, 2 సిక్స్లు), ఇఫ్తికార్ అహ్మద్ (85 బంతుల్లో 83; 6 ఫోర్లు, 4 సిక్స్లు), మొహమ్మద్ నవాజ్ (42 బంతుల్లో 50; 6 ఫోర్లు, 1 సిక్స్) అర్ధసెంచరీలు చేశారు. పాక్ ఇన్నింగ్స్ చాలా చాలా ముందుగా ముగిసేదే కానీ ఆసీస్ పార్ట్టైమ్ బౌలర్లకు కూడా ‘వామప్’ అవకాశం కల్పించింది. లబుషేన్, స్మిత్, వార్నర్ కలిపి 14.4 ఓవర్లు వేసి ఏకంగా 159 పరుగులిచ్చారు. పాక్ తమ తొలి మ్యాచ్ను హైదరాబాద్లోనే శుక్రవారం నెదర్లాండ్స్తో, ఆసీస్ తమ తొలి మ్యాచ్ను ఆదివారం భారత్తో చెన్నైలో ఆడుతుంది.
(The above story first appeared on LatestLY on Oct 04, 2023 11:34 AM IST. For more news and updates on politics, world, sports, entertainment and lifestyle, log on to our website latestly.com).
