Vande Bharat Express: ఏపీకీ గుడ్ న్యూస్, రెండు వందేభారత్‌ ఎక్స్‌ప్రెస్‌ రైళ్లను కేటాయించిన కేంద్రం, సికింద్రాబాద్‌ నుంచి విజయవాడ మీదుగా తిరుపతి వరకు రెండో రైలు
Vande bharat (Photo Credits: Twitter)

VJY, Dec 9: రైల్వే శాఖ ఏపీ రాష్ట్రానికి రెండు వందేభారత్‌ ఎక్స్‌ప్రెస్‌ రైళ్లను కేటాయించింది. ఈ మేరకు దక్షిణ మధ్య రైల్వేకు కేంద్ర రైల్వే శాఖ నుంచి వర్తమానం అందింది. దక్షిణ మధ్య రైల్వే పరిధిలో తొలి వందేభారత్‌ ఎక్స్‌­ప్రెస్‌ను 2023 జనవరిలో సికింద్రాబాద్‌–­విజయవాడ మధ్య నడపాలని నిర్ణయించారు. త్వరలోనే అధికారికంగా తేదీని ఖరారు చేస్తారు.

మీకు మంచి జరిగిందని అనిపిస్తే జగనన్నకు తోడుగా నిలవండి, చంద్రబాబుకు ఇవే చివరి ఎన్నికలు, జయహో బీసీ మహాసభలో సీఎం జగన్

గంటకు 165 కి.మీ. వేగంతో ప్రయా­ణిం­చడంతోపాటు 1,129 సీటింగ్‌ సామ­ర్థ్యం కలిగిన ఈ రైలును మొదట సికింద్రాబాద్‌ నుంచి కాజీపేట మీదుగా విజయవాడ వరకు నడుపుతారు. తరువాత విశాఖపట్నం వరకు పొడి­గి­స్తారు. దక్షిణ మధ్య రైల్వే పరిధిలో రెండో వందే­భారత్‌ ఎక్స్‌ప్రెస్‌ను సికింద్రాబాద్‌–తిరుపతి మధ్య నడపనున్నారు. ఈ రైలును సికింద్రాబాద్‌ నుంచి విజయవాడ మీదుగా తిరుపతి వరకు నడపాలని దక్షిణ మధ్య రైల్వేవర్గాలు భావిస్తు­న్నా­యి. ఈ రైలు రూట్‌పై నిర్ణయం తీసుకోవాల్సి ఉంది.