Ex-Telangana CS Somesh Kumar: మాజీ సీఎస్ సోమేశ్‌కుమార్‌ స్వచ్ఛంద పదవీ విరమణ, దరఖాస్తును జగన్ ఆమోదించినట్టుగా వార్తలు, కారణం ఇదేనా..

ఆంధ్రప్రదేశ్‌ కేడర్‌కు చెందిన సీనియర్‌ ఐఏఎస్‌ అధికారి, తెలంగాణ ప్రభుత్వ మాజీ ప్రధాన కార్యదర్శి సోమేశ్‌కుమార్ (Ex-Telangana CS Somesh Kumar)‌ స్వచ్ఛంద పదవీవిరమణ (Somesh Kumar Taken voluntary retirement) చేసినట్టుగా వార్తలు వస్తున్నాయి. ఆయన పెట్టుకున్న దరఖాస్తును సీఎం జగన్‌ ఆమోదించినట్టు సమాచారం. సోమేశ్ కుమార్ ఆంధ్రప్రదేశ్‌కు వెళ్లాలంటూ తెలంగాణ హైకోర్టు ఇటీవల ఆదేశించింది. ఈ నేపథ్యంలో తెలంగాణ ప్రభుత్వం ఆయనను ప్రధాన కార్యదర్శి పదవి నుంచి తొలగించి శాంతికుమారిని కొత్త సీఎస్‌గా నియమించింది.

ఏపీలో త్వరలో దాదాపు 90,000 మందికి ఉద్యోగావకాశాలు, గ్లోబల్ ఇన్వెస్టర్స్ మీట్‌లో ఐటీ మంత్రి అమర్ నాథ్ రెడ్డి

హైకోర్టు ఆదేశాలతో జనవరి 12న అమరావతికి వెళ్లి ఏపీ కేడర్‌లో రిపోర్టు చేసిన సోమేశ్ కుమార్ ఆ తర్వాత ముఖ్యమంత్రి వైఎస్ జగన్‌మోహన్‌రెడ్డిని మర్యాదపూర్వకంగా కలిశారు. మరోవైపు, ఆయన ఏపీ ప్రభుత్వానికి రిపోర్టు చేసి నెల రోజులు దాటుతున్నా ఇప్పటి వరకు ఆయనకు ఎలాంటి పోస్టు కేటాయించలేదని తెలుస్తోంది. ఈ నేపథ్యంలో స్వచ్ఛందంగా పదవీ విరమణ చేయాలన్న నిర్ణయానికి వచ్చిన ఆయన ఈ మేరకు దరఖాస్తు పెట్టుకోగా.. ఆయన దరఖాస్తును ముఖ్యమంత్రి జగన్ ఆమోదించినట్టు తెలుస్తోంది.

(The above story first appeared on LatestLY on Feb 16, 2023 08:59 AM IST. For more news and updates on politics, world, sports, entertainment and lifestyle, log on to our website latestly.com).