Tirupati International Airport: తిరుపతి నుంచి అంతర్జాతీయ విమాన సర్వీసులు అతి త్వరలో ప్రారంభం
తిరుపతి నుంచి అంతర్జాతీయ విమాన సర్వీసులు అతి త్వరలో ప్రారంభం అవుతాయని ఆంధ్రప్రదేశ్ ప్రభుత్వం ప్రకటించింది. తిరుపతి విమానాశ్రయానికి 2017లో అంతర్జాతీయ విమానాశ్రయ హోదా లభించింది, అయితే అనేక కారణాల వల్ల అంతర్జాతీయ సర్వీసులు టేకాఫ్ కాలేదు.
తిరుపతి నుంచి అంతర్జాతీయ విమాన సర్వీసులు అతి త్వరలో ప్రారంభం అవుతాయని ఆంధ్రప్రదేశ్ ప్రభుత్వం ప్రకటించింది. తిరుపతి విమానాశ్రయానికి 2017లో అంతర్జాతీయ విమానాశ్రయ హోదా లభించింది, అయితే అనేక కారణాల వల్ల అంతర్జాతీయ సర్వీసులు టేకాఫ్ కాలేదు. సీఎం వైఎస్ జగన్ మోహన్ రెడ్డి నేతృత్వంలోని ప్రభుత్వం తిరుపతి నుండి ప్రపంచ నగరాలకు విమానాలను నడపడానికి ప్రణాళికలు సిద్ధం చేసింది. ఏపీ ఎయిర్పోర్ట్ డెవలప్మెంట్ కార్పొరేషన్ లిమిటెడ్ (APADCL), స్థానిక YSRCP MP M గురుమూర్తి, విమానాశ్రయ అధికారులు కేంద్ర పౌర విమానయాన మంత్రిత్వ శాఖతో సంప్రదింపులు జరుపుతున్నారు మొదట తిరుపతి విమానాశ్రయం నుండి కువైట్కు సేవలను ప్రారంభించాలని యోచిస్తున్నారు.
రెండు దేశాల మధ్య ద్వైపాక్షిక విమానాలు ప్రారంభించడానికి చాలా సమయం పట్టే అవకాశం ఉన్నందున ఓపెన్ స్కై పాలసీ కింద కువైట్కు విమానాలను ప్రారంభించాలని ఎంపీ గురుమూర్తి కేంద్ర పౌర విమానయాన మంత్రిని అభ్యర్థించారు. ఈ విధానంలో 400 సీట్లు కేటాయించాలని కోరగా కేంద్రం నుంచి సానుకూల స్పందన రాలేదని అధికారులు తెలిపారు. తిరుపతి నుంచి కువైట్కు సర్వీసులు నడపడానికి ఎయిరిండియా ఎక్స్ప్రెస్ సానుకూలంగా స్పందించిందని తిరుపతి ఎయిర్పోర్ట్ డైరెక్టర్ రాజ్ కిషోర్ తెలిపారు. ఇండిగో, ఎయిర్ఏషియా క్యారియర్లతో కూడా తాము టచ్లో ఉన్నామని చెప్పారు.
ఆయన ఇంకా మాట్లాడుతూ విమానాశ్రయంలో కస్టమ్స్, ఇమ్మిగ్రేషన్కు అవసరమైన అన్ని సౌకర్యాలు ఉన్నాయని, విదేశీ ప్రయాణీకుల రాక , నిష్క్రమణకు కన్వేయర్ బెల్ట్లు, ఇతర సౌకర్యాలతో పాటు అంతర్జాతీయ సర్వీసులు వెంటనే ప్రారంభించాలని అన్నారు. సేవలు ప్రారంభించిన తర్వాత ఇమ్మిగ్రేషన్ మరియు కస్టమ్స్ అధికారులను నియమించడానికి కేంద్రం సిద్ధంగా ఉందని ఆయన తెలిపారు.
Vastu Tips: వాస్తు ప్రకారం మీ ఇంట్లో బాత్ రూమ్ ఏ దిశలో ఉండాలో తెలుసా ...
ముఖ్యంగా చిత్తూరు, రాజంపేట, రాయచోటి, నెల్లూరు ప్రాంతాల నుంచి పెద్ద సంఖ్యలో గల్ఫ్ దేశాలకు పనుల నిమిత్తం వెళ్లే రాయలసీమ ప్రజలకు తిరుపతి విమానాశ్రయం ఎంతో సౌకర్యంగా ఉంది. ప్రస్తుతం వీరంతా చెన్నై వెళ్లి అక్కడి నుంచి విమానంలో వెళ్లాల్సి వస్తోంది. అంతర్జాతీయ సర్వీసులు సత్ఫలితాలనిచ్చేలా కేంద్రంతో ఎంపీ గురుమూర్తి సంప్రదింపులు జరుపుతున్నారని, అతి త్వరలో తిరుపతి నుంచి అంతర్జాతీయ సర్వీసులు ప్రారంభమవుతాయని ఏపీఏడీసీఎల్ ఎండీ భరత్ రెడ్డి తెలిపారు.
(The above story first appeared on LatestLY on Apr 02, 2023 03:32 PM IST. For more news and updates on politics, world, sports, entertainment and lifestyle, log on to our website latestly.com).
