Father, Addicted to Watching Porn Videos, Murders Daughter for Refusing to Have Sex, Lodges Missing Complaint to Mislead Police

Hyd, June 20: మద్యానికి బానసైన తండ్రి సమాజం సిగ్గుపడే ఘటనకు పాల్పడ్డాడు. నిత్యం అశ్లీల చిత్రాల చూస్తూ తన కామ వాంఛ తీర్చాలంటూ కన్నకూతురిపై వేధింపులకు పాల్పడ్డాడు. కూతురు ఎదురుతిరిగినందుకు అతి కిరాతకంగా హత్య చేశాడు. ఆపై ఏమీ ఎరగనట్లు తన కూతురు కనిపించం లేదంటూ పోలీసులకు ఫిర్యాదు చేశాడు.

ఈ దారుణ ఘటనపై మియాపూర్‌ పోలీస్‌ స్టేషన్‌లో బుధవారం ఏర్పాటు చేసిన విలేకరుల సమావేశంలో సీఐ దుర్గా రామలింగ ప్రసాద్‌, ఎస్‌ఐ రాజులతో కలిసి మియాపూర్‌ ఏసీపీ నర్సింహారావు పూర్తి వివరాలను వెల్లడించారు. మియాపూర్‌ నడిగడ్డ తండాకు చెందిన బానోతు నరేష్‌(35) తన కూతురు (13) అదృశ్యం అయినట్లు ఈ నెల 7వ తేదీన మియాపూర్‌ పోలీస్ స్టేషన్లో లో ఫిర్యాదు చేశాడు.

అయితే 13వ తేదీన నడిగడ్డ తండా సమీపంలోని చెట్ల పొదల్లో కుళ్లిపోయిన స్థితిలో ఓ మృతదేహాన్ని స్థానికులు గుర్తించి పోలీసులకు సమాచారం అందించారు. ఆనవాళ్ల ప్రకారం తప్పిపోయిన బాలిక(13)గా కుటుంబ సభ్యులు గుర్తించారు. హత్య కేసు నమోదు చేసుకున్న పోలీసులు నాలుగు బృందాలుగా ఏర్పడి క్షేత్రస్థాయి విచారణతో పాటు సీసీటీవీ పుటేజీలను క్షుణ్ణంగా పరిశీలించారు.నిందితుడు తండ్రేనని గుర్తించారు. కామాంధుడైన పోలీస్ అధికారి, రివాల్వర్‌తో బెదిరించి తోటి మహిళా కానిస్టేబుల్‌పై అత్యాచారానికి పాల్పడిన కాళేశ్వరం ఎస్సై భవాని సేన్ గౌడ్

బాలిక తండ్రి నరేష్ తన కూతురును వంట చెరుకు తీసుకువద్దామని చెప్పి తన బైక్‌పై నడిగడ్డ తండా సమీపంలోని చెట్ల పొదల్లోకి తీసుకెళ్లినట్లు గుర్తించారు. అక్కడ తన కామ వాంఛను కూతురుకు చెప్పటంతో ఆమె వ్యతిరేకించింది. దీంతో ఈ విషయం బయటకు వస్తుందేమోననే భయంతో జుట్టు పట్టి నేలకేసి కొట్టాడు. ముక్కులో నుంచి రక్తం కారుతూ అపస్మారక స్థితిలో పడిన అనంతరం పక్కనే ఉన్న బండరాయితో తలపై కొట్టడంతో బాలిక అక్కడి కక్కడే మృతి చెందింది. ప్రేమను ఒప్పుకోలేదని దారుణం, ఇంట్లోకి దూరి కత్తితో యువతి గొంతు కోసిన ప్రేమికుడు, వీడియో ఇదిగో..

అనంతరం తన ద్విచక్ర వాహనంపై కొంత దూరం వెళ్లిన నిందితుడు నరేష్‌ కూతురు మరణించిన విషయాన్ని ధృవీకరించుకునేందుకు మరోమారు ఘటనా స్థలానికి వెళ్లి నిర్ధారించుకున్నాడు. ఇక‌ ఇంటికి వెళ్లిన నిందితుడు నరేష్‌ కూతురు కనిపించటం లేదంటూ భార్యకు చెప్పి మియాపూర్ పోలీసుల‌కు ఫిర్యాదు చేశాడు. ఈ కేసు విచార‌ణ చేప‌ట్టిన పోలీసులు.. తండ్రే నిందితుడ‌ని తేల్చారు. ఈ మేరకు నిందితుడు నరేష్‌ను అదుపులోకి తీసుకుని విచారించగా.. తానే నేరం చేసిన‌ట్లు అంగీక‌రించాడు.