Hyderabad City Police: హైదరాబాద్ పోలీస్ అధికారుల నంబర్లు మారాయి, అమల్లోకి వచ్చిన కొత్త నంబర్లు ఇవే

హైదరాబాద్ నగర పోలీసు విభాగంలో పని చేస్తున్న అధికారుల (Hyderabad City Police) ఫోన్‌ నెంబర్లు మారాయి. ఇప్పటి వరకు వినియోగిస్తున్న బీఎస్ఎన్ఎల్ నంబర్ల స్థానంలో ఎయిర్‌టెల్‌కు చెందినవి సోమవారం నుంచి అందుబాటులోకి వచ్చాయి.

HYderabad city Police (Photo-File Image)

Hyd, August 18: హైదరాబాద్ నగర పోలీసు విభాగంలో పని చేస్తున్న అధికారుల (Hyderabad City Police) ఫోన్‌ నెంబర్లు మారాయి. ఇప్పటి వరకు వినియోగిస్తున్న బీఎస్ఎన్ఎల్ నంబర్ల స్థానంలో ఎయిర్‌టెల్‌కు చెందినవి సోమవారం నుంచి అందుబాటులోకి వచ్చాయి. పాత సర్వీస్‌ ప్రొవైడర్‌ సేవల వల్ల నెట్‌వర్క్‌ పరమైన ఇబ్బందులు వస్తుండటంతో పోలీసులు అధికారులు మరో సంస్థ సేవలు తీసుకోవాలని నిర్ణయించారు. 4జీ, 5జీతో పాటు అనేక వాల్యూ యాడెడ్‌ సర్వీసెస్‌ (వీఏఎస్‌) అందించడానికి ఎయిర్‌టెల్‌ సంస్థ ముందుకు వచ్చింది. అనేక అంశాలను పరిగణలోకి తీసుకున్న తెలంగాణ పోలీసు విభాగం ఈ సంస్థతో ఒప్పందం చేసుకుంది.

షాకింగ్ వీడియో..మాట్లాడుతుండగానే గుండెపోటుతో కుప్పకూలిన వ్యాపారవేత్త, కూతురు చూస్తుండగానే మృత్యుఒడిలోకి

తొలుత మొబైల్‌ నెంబర్‌ పోర్టబులిటీ ద్వారా ప్రస్తుతం ఉన్న నెంబర్లనే (Hyderabad City Police Dials) కొనసాగించాలని భావించారు.అయితే దీనికి కొన్ని సాంకేతిక ఇబ్బందులు వస్తుండటంతో నెంబర్లు మార్చాలని నిర్ణయించారు. దీంతో సోమవారం నుంచి 9490616––– సిరీస్‌కు బదులుగా 8712660–––, 8712661––– సిరీస్‌ల్లో ఆరోహణ క్రమంలో నెంబర్ల వినియోగం మొదలైంది. క్షేత్రస్థాయిలో ఉండే అధికారుల కొత్త నెంబర్లు ప్రజలకు అలవాటు అయ్యే వరకు ఎలాంటి ఇబ్బందులు ఉండకుండా అధికారులు చర్యలు తీసుకున్నారు. దీనికోసం నెల రోజుల పాటు పాత నెంబర్లూ అందుబాటులో ఉంచుతున్నారు.

అమల్లోకి వచ్చిన కొత్త నెంబర్లు ఇవే

► పోలీసు కమిషనర్‌– 8712660001

► అదనపు సీపీ (శాంతిభద్రతలు)– 8712660002

► అదనపు సీపీ (నేరాలు)– 8712660003

► సంయుక్త సీపీ (సీసీఎస్‌)– 8712660004

► సంయుక్త సీపీ (ఎస్బీ)– 8712660005

► సంయుక్త సీపీ (పరిపాలన)– 8712660006

► సంయుక్త సీపీ (ట్రాఫిక్‌)– 8712660007

► మధ్య మండల డీసీపీ– 8712660101

► ఉత్తర మండల డీసీపీ– 8712660201

► దక్షిణ మండల డీసీపీ– 8712660301

► పశ్చిమ మండల డీసీపీ– 8712660401