QuickLY
Socially
Khammam, April 12: ఖమ్మంలోని వైరా నియోజకవర్గ బీఆర్‌ఎస్‌ ఆత్మీయ సమ్మేళనంలో తీవ్ర విషాదం చోటుచేసుకుంది. కారేపల్లి మండలం చీమలపాడులో నిర్వహించిన బీఆర్‌ఎస్‌ ఆత్మీయ సమ్మేళనంలో భారీ పేలుడు సంభవించింది. ఈ ప్రమాదంలో ఒకరు మృతి చెందారు. బీఆర్‌ఎస్‌ ఆత్మీయ సమ్మేళనంలో ఎంపీ నామా నాగేశ్వరరావు, వైరా ఎమ్మెల్యే రాములు నాయక్‌, ఇతర నేతలు పాల్గొన్నారు.
కాగా నాయకులకు ఘన స్వాగతం పలుకుతూ పార్టీ కార్యకర్తలు భారీగా బాణాసంచా పేల్చారు. ఈ క్రమంలో పక్కనే ఉన్న గుడిసెపై తారాజువ్వ ఎగిరిపడటంతో మంటలు అలుముకున్నాయి. బాణాసంచా ధాటికి గుడిసెలోని గ్యాస్‌ సిలిండర్లు ఒక్కసారిగా పేలడంతో భారీ ప్రమాదం సంభవించింది. ఈ దుర్ఘటనలో 10 మందికి తీవ్ర గాయాలవ్వగా.. క్షతగాత్రులను ఖమ్మం ప్రభుత్వ ఆసుపత్రికి తరలించారు.
Here's Video
#BigBreaking ఖమ్మం జిల్లా కారేపల్లి మండలం చీమలపాడులో నిర్వహించిన #BRSparty
ఆత్మీయ సమ్మేలేనలో అగ్ని ప్రమాదం ఎంపీ నామా ఎమ్మెల్యే రాములు రాకతో బాణసంచా కాల్చిన కార్యకర్తలు నిప్పురవ్వలతో పక్కనే ఉండే పూరి గుడిసెలోకి వ్యాపించిన మంటలు పేలిన సిలెండర్ వ్యక్తి మృతి ++ #khammam pic.twitter.com/VwMHigE6Il
— Tharun Reddy (@KethireddyTarun) April 12, 2023
గాయపడ్డవారిలో ఇద్దరు పోలీసులు, ఇద్దరు జర్నలిస్టులు, బీఆర్‌ఎస్‌ కార్యకర్తలు ఉన్నారు. పేలుడు ధాటికి విధులు నిర్వహిస్తున్న సీఐతో సహా పలువురి కాళ్లు, చేతులు తెగిపడ్డాయి. ఊహించని ఘటనతో గ్రామంలో విషాద ఛాయలు అలుముకున్నాయి. ఈ అగ్నిప్రమాదంపైమంత్రి కేటీఆర్ ఆవేదన వ్యక్తం చేశారు. ప్రమాదంలోని మృతుల కుటుంబాలకు, క్షతగాత్రులకు అన్ని విధాలుగా అండగా ఉంటామని భరోసానిచ్చారు. గాయపడిన వారికి మెరుగైన చికిత్స అందించేలా చర్యలు తీసుకోవాలని ఖమ్మం జిల్లా అధికారులు, నాయకులను ఆదేశించారు. ఈ మేరకు వారితో ఫోన్‌లో సంభాషించారు.
