QuickLY
Socially
Hyderabad, SEP 13: గణేశ్‌ నిమజ్జనం నేపథ్యంలో సైబరాబాద్ పోలీసు కమిషనరేట్‌ (Cyberabad Police) పరిధిలో మద్యం షాపులు (Wine Shops Close), కల్లు దుకాణాలు, బార్‌ అండ్‌ రెస్టారెంట్లు మూసివేస్తున్నట్లు సైబరాబాద్ సీపీ అవినాష్‌ మహంతి వెల్లడించారు. ఈ మేరకు శుక్రవారం ఉత్తర్వులు జారీ చేశారు. నిమజ్జనోత్సవం (Vinayaka Nimajjanam) సందర్భంగా శాంతిభద్రతల పరిరక్షణను దృష్టిలో పెట్టుకుని మద్యం షాపులు, బార్‌ అండ్‌ రెస్టారెంట్లు, కల్లు దుకాణాలను మూసివేస్తున్నట్లు ఉత్తర్వుల్లో పేర్కొన్నారు.
ఈ నెల 17న ఉదయం 6 గంటల నుంచి 18వ తేదీ సాయంత్రం 6 గంటల వరకు ఆంక్షలు అమల్లో ఉంటాయని, అప్పటి వరకు మద్యం సరఫరాపై నిషేధం ఉంటుందన్నారు. నిషేధిత సమయంలో ఎవరైన నిబంధనలకు విరుద్ధంగా మద్యం విక్రయాలు జరిపినా, సరఫరా చేసినా బెల్టుషాపులు నిర్వహించినా చట్టరీత్య కఠిన చర్యలు తీసుకుంటామని ఈ సందర్భంగా సీపీ హెచ్చరించారు.
