Late sleep (Credits: X)

Newdelhi, Sep 10: మారిన జీవనశైలి (Lifestyle) కారణంగా రాత్రిళ్లు నిద్రపోయే సమయాల్లో ఎన్నో మార్పులు చోటు చేసుకుంటున్నాయి. దీంతో ఊహించని విధంగా కొత్త కొత్త వ్యాధులు వచ్చిపడుతున్నాయి. రాత్రి సమయంలో త్వరగా పడుకొని.. పొద్దునే లేచే వ్యక్తులతో పోల్చితే, రాత్రంతా మేల్కొనేవాళ్లు టైప్‌-2 డయాబెటిస్‌ (Diabetes) బారినపడే ముప్పు 46 శాతం ఎక్కువ. ఈ మేరకు నెదర్లాండ్స్‌ పరిశోధకులు చేసిన తాజా అధ్యయనం ఒకటి వెల్లడించింది. డయాబెటిస్‌ రావడానికి జీవన శైలి ఒక్కటే కారణం కాదని, అధిక బీఎంఐ (బాడీ మాస్‌ ఇండెక్స్‌), పెద్ద పొట్ట, శరీరంలో అధిక కొవ్వులు.. ఇవన్నీ టైప్‌-2 డయాబెటిస్‌ ను కలుగజేయడంలో 50శాతం పాత్ర వహిస్తాయని తేల్చారు.

భారత్‌లో తొలి మంకీపాక్స్ కేసు నమోదు, జులై 2022 నుంచి దేశంలో 30 మంకీపాక్స్ కేసులు నమోదయ్యాయని తెలిపిన కేంద్రం

ఎందుకు ఇలా..?

మూడు రకాలైన నిద్ర సమయాల్ని కలిగిన 5 వేల మందిపై సైంటిస్టులు ఈ పరిశోధన చేశారు. నిద్రపోతున్న తీరుతో మన శరీరంలో జీవ గడియారం ప్రభావితం కాగానే, అది జీవ క్రియల్ని ఆటంక పరుస్తున్నదని, ఇది టైప్‌-2 డయాబెటిస్‌కు దారితీస్తున్నదని చెప్పారు.

భారత్‌లో మంకీపాక్స్‌ కేసు, వైరస్‌ కట్టడిపై అన్ని రాష్ట్రాలకూ అడ్వైజరీ జారీ చేసిన కేంద్ర ప్రభుత్వం