Italian Thief Viral Story: బుక్ ను చదువుతూ నిజంగానే బుక్కయిపోయాడు.. చోరీకి వచ్చిన దొంగను ఆకర్షించిన పుస్తకం.. అలాగే చదువుతూ ఉండిపోయిన దొంగ.. ఆ తర్వాత ఏమైందంటే?
ఇటలీ రాజధాని రోమ్ లో విచిత్ర ఘటన చోటుచేసుకుంది. చోరీ కోసం ఓ ఇంట్లోకి వచ్చిన ఓ దొంగ (38)ను ఆ ఇంట్లోని టేబుల్ మీద ఉన్న ఓ పుస్తకం ఎంతగానో ఆకర్షించింది.
Rome, Aug 26: ఇటలీ (Italy) రాజధాని రోమ్ (Rome) లో విచిత్ర ఘటన చోటుచేసుకుంది. చోరీ కోసం ఓ ఇంట్లోకి వచ్చిన ఓ దొంగ (Thief)(38)ను ఆ ఇంట్లోని టేబుల్ మీద ఉన్న ఓ పుస్తకం ఎంతగానో ఆకర్షించింది. దీంతో చోరీకి వచ్చానన్న విషయాన్ని మర్చిపోయిన దొంగ ఆ పుస్తకం చదవడంలో మునిగిపోయాడు. ఎంతలా అంటే, ఉదయం అయ్యి నిద్ర నుంచి యజమాని వచ్చి దొంగను ఎవరని ప్రశ్నించే వరకూ ఆ పుస్తకాన్ని చదువుతూనే ఉన్నాడు ఆ దొంగ. చివరకు యజమానిని చూసి షాకైన దొంగ పరారయ్యేందుకు ప్రయత్నించాడు. అయితే అప్పటికే అతడు పోలీసులకు దొరికిపోయాడు.
ఏంటా పుస్తకం?
మరి ఆ దొంగను అంతగా ఆకర్షించిన ఆ పుస్తకం పేరు ఏంటో తెలుసా? ‘ది గాడ్స్ ఎట్ సిక్స్ ఓ క్లాక్’. గ్రీకు పురాణాలకు సంబంధించిన ఈ పుస్తకాన్ని ప్రముఖ రచయిత గియోవన్నీ నుచీ రాశారు.
(The above story first appeared on LatestLY on Aug 26, 2024 10:52 AM IST. For more news and updates on politics, world, sports, entertainment and lifestyle, log on to our website latestly.com).
