QuickLY
Socially
Washington, June 23: ప్రపంచ బిలియనీర్, స్పేస్ ఎక్స్, టెస్లా అధినేతగా పేరొందిన ఎలన్ మస్క్ (Elon Musk) వ్యాపారాల్లోనే కాదు.. వైవాహిక జీవితంలో పిల్లలను కనడంలో కూడా తనకు సాటిలేదనిపించుకున్నాడు. ఇప్పటికే పది మంది సంతానం కలిగిన మస్క్.. మరోసారి తండ్రి అయ్యాడు. తన గర్ల్‌ఫ్రెండ్, న్యూరాలింక్ (Neuralink)స్పెషల్ ప్రాజెక్ట్ డైరెక్టర్ అయిన షివాన్ జిలిస్‌తో డేటింగ్ చేసి ముచ్చటగా మూడో బిడ్డను మస్క్ పొందాడు (Elon Musk Secret Child). మొత్తంగా మస్క్ సంతానం 11 మందికి చేరింది. ఒక్కమాటలో చెప్పాలంటే.. ఒక క్రికెట్ టీమ్ తయారుచేశాడని అంటున్నారు.
ప్రస్తుత రోజుల్లో ఒక బిడ్డను కనడమే కష్టం.. అలాంటిది మస్క్ మామ మాత్రం తన సంతానాన్ని పెంచుకుంటూ పోతూనే ఉన్నాడు. జిలిస్‌తో మస్క్‌కు ఇది మూడో సంతానం. బిలియనీర్ 2021లో న్యూరాలింక్ () ఎగ్జిక్యూటివ్‌తో డేటింగ్ చేసి ఇద్దరు కవలలకు జన్మనిచ్చారు. కోర్టు పత్రాల ప్రకారం.. మస్క్ కవలల పేర్లను తమ తండ్రి చివరి పేరు, వారి మధ్య పేరులో వారి తల్లి చివరి పేరును కలిగి ఉండేలా మార్చాలని పిటిషన్ కూడా దాఖలు చేశాడని బ్లూమ్‌బెర్గ్ నివేదిక వెల్లడించింది. వాస్తవానికి, మస్క్‌కు మొత్తం ఎంత మంది పిల్లలు ఉన్నారనేది స్పష్టంగా తెలియలేదు. అయితే, ఆయనకు 11 మంది పిల్లలు ఉన్నారని పలు నివేదికలు వెల్లడించాయి.
అందులో ఆయన మొదటి భార్య, రచయిత జస్టిన్ మస్క్‌కు ఐదుగురు సంతానం జన్మించారు. ఈమెతో బ్రేకప్ అయిన తర్వాత మ్యూజిషియన్ గ్రిమ్స్‌తో డేటింగ్ చేసి మరో ముగ్గురికి మస్క్ జన్మినిచ్చారు. మస్క్ న్యూరాలింక్‌ను స్థాపించిన తర్వాత బ్రెయిన్-కంప్యూటర్ టెక్నాలజీని అభివృద్ధి చేసే కంపెనీకి సహ-సీఈఓగా పనిచేస్తున్నారు. మస్క్ తన కంపెనీల్లో పనిచేసే ఉద్యోగినులతో వివాహేతర సంబంధం ఉందనే ఆరోపణలు కూడా వచ్చాయి. అదే క్రమంలో మస్క్ స్పేస్‌ఎక్స్‌లోని మహిళా ఉద్యోగులతో సన్నిహిత సంబంధాలను కలిగి ఉన్నాడంటూ ది వాల్ స్ట్రీట్ జర్నల్ నివేదించిన రెండు వారాల తర్వాత జిలిస్‌తో మరో బిడ్డ గురించి వార్తలు వచ్చాయి.
