US Immigration Update: అమెరికాలో భారతీయులకు బిగ్ షాక్.. 540 రోజుల వర్క్ పర్మిట్ పొడిగింపు రద్దు..హెచ్1బీ ఉద్యోగుల జీవిత భాగస్వాములకు తీవ్ర ఇబ్బందులు..
అమెరికా ప్రభుత్వం కొన్ని వర్గాల వలసదారులకు 540 రోజుల ఆటోమేటిక్ వర్క్ పర్మిట్ పొడిగింపును ముగించింది. H-4 EAD దరఖాస్తుదారులు సహా భారతీయ ఉద్యోగులపై ప్రభావం, కొత్త నిబంధనలు, మినహాయింపుల వివరాలు తెలుసుకోండి.
US Immigration Update: యునైటెడ్ స్టేట్స్ పౌరసత్వ , ఇమ్మిగ్రేషన్ సేవల సంస్థ (USCIS) వర్క్ పర్మిట్ (EAD) పునరుద్ధరణ నిబంధనల్లో అత్యంత కీలకమైన మార్పులను ప్రకటించింది. ఇప్పటివరకు అమల్లో ఉన్న ఆటోమేటిక్ పొడిగింపు (ఆటో-ఎక్స్‌టెన్షన్) వెసులుబాటును రద్దు చేస్తూ తుది నిబంధనను ఖరారు చేసింది. ఈ తాజా నిర్ణయం అమెరికాలో ఉపాధి పొందుతున్న వేలాది మంది విదేశీ ఉద్యోగులు, ముఖ్యంగా హెచ్-1బి (H-1B) వీసాదారుల భాగస్వాములైన హెచ్-4 (H-4) వీసాదారులు , భారతదేశానికి చెందిన ఐటీ నిపుణులపై తీవ్ర ప్రతికూల ప్రభావం చూపే అవకాశాలు స్పష్టంగా కనిపిస్తున్నాయి.
గతంలో ఉపాధి అనుమతి పత్రం (EAD) గడువు ముగిసేలోగా పునరుద్ధరణ కోసం దరఖాస్తు చేసుకున్న అర్హులైన అభ్యర్థులకు, USCIS దరఖాస్తును ప్రాసెస్ చేసే వ్యవధిలో తాత్కాలికంగా పని చేసుకునేందుకు ఆటోమేటిక్ పొడిగింపు లభించేది. ఇమ్మిగ్రేషన్ యంత్రాంగంలో ఉన్న తీవ్రమైన బ్యాక్‌లాగ్, ప్రాసెసింగ్ జాప్యాల కారణంగా ఉద్యోగులు అకస్మాత్తుగా ఉపాధి కోల్పోకుండా నిరోధించడానికి ఈ పొడిగింపు కాలాన్ని గతంలో ఏకంగా 540 రోజుల వరకు పెంచారు. ప్రపంచం కోసమే రష్యా నుంచి డీజిల్ కొనుగోలు.. డీజిల్ ఒప్పందంపై అమెరికాలో రాజకీయ దుమారం వేళ సమర్ధించుకున్న ట్రంప్..
అయితే సవరించిన నిబంధనల ప్రకారం, అక్టోబర్ 30, 2025 లేదా ఆ తర్వాత దాఖలు చేసే EAD పునరుద్ధరణ దరఖాస్తులకు ఈ ఆటోమేటిక్ పొడిగింపు నిబంధన ఇకపై ఎట్టిపరిస్థితుల్లోనూ వర్తించదు. దరఖాస్తుదారులు తమ పాత పత్రం గడువు ముగిసిన తర్వాత, కొత్త అనుమతి పత్రం ఆమోదం పొందేంత వరకు విధులకు దూరంగా ఉండాల్సిందేనని హోమ్‌ల్యాండ్ సెక్యూరిటీ విభాగం (DHS) తేల్చిచెప్పింది.
ఈ పటిష్ట విధాన మార్పు వెనుక భద్రతా కారణాలు ఉన్నాయని అమెరికా హోమ్‌ల్యాండ్ సెక్యూరిటీ స్పష్టం చేసింది. వర్క్ పర్మిట్లు మంజూరు చేసే ముందు అభ్యర్థుల నేపథ్య తనిఖీలు (బ్యాక్‌గ్రౌండ్ చెక్స్), భద్రతా పరిశీలనలు , అర్హత ప్రమాణాల సమీక్షను మరింత కఠినతరం చేయడమే ఈ నిర్ణయం ప్రధాన ఉద్దేశమని వెల్లడించింది. అయితే, ప్రాసెసింగ్ సమయం పెరిగితే హెచ్-4 వీసాలపై పని చేస్తున్న భారతీయ నిపుణుల జీవిత భాగస్వాములు తమ ఉద్యోగాలను తాత్కాలికంగా కోల్పోవలసి వస్తుందని నిపుణులు ఆందోళన వ్యక్తం చేస్తున్నారు.
ఈ ఆకస్మిక మార్పుల నేపథ్యంలో USCIS దరఖాస్తుదారులకు పలు కీలక సూచనలు చేసింది. ఉద్యోగంలో అంతరాయాలు కలగకుండా ఉండేందుకు ప్రవాసులు తమ ప్రస్తుత EAD గడువు ముగియడానికి కనీసం 180 రోజుల ముందుగానే పునరుద్ధరణ దరఖాస్తులను సమర్పించాలని కోరింది. అలాగే దరఖాస్తుదారులు తమ సంస్థల యజమానులతో నిరంతరం సంప్రదింపులు జరుపుతూ, USCIS అధికారిక పోర్టల్‌లో దరఖాస్తు స్థితిని ఎప్పటికప్పుడు తనిఖీ చేసుకోవాలని సూచించింది. కాగా, అక్టోబర్ 30, 2025 కంటే ముందే సమర్పించి, పాత నిబంధనల కింద ఇప్పటికే ఆటో-ఎక్స్‌టెన్షన్ పొందిన వారికి అలాగే ప్రాసెస్ అవుతున్న దరఖాస్తులకు ఈ రద్దు వర్తించదని నిబంధన స్పష్టం చేసింది.
(The above story first appeared on LatestLY on Oct 14, 2026 05:09 PM IST. For more news and updates on politics, world, sports, entertainment and lifestyle, log on to our website latestly.com).
