Maruti Suzuki India To Hike Prices: ఫిబ్రవరి 1 నుంచి పెరుగనున్న మారుతి సుజుకీ కార్ల ధరలు, ఏయే మోడల్‌ కార్‌పై ఎంత పెంచుతున్నారో పూర్తి వివరాలివిగో..

New Delhi, JAN 23: కొత్త కారు కొనేందుకు ప్లాన్ చేస్తున్నారా? ప్రముఖ భారతీయ అతిపెద్ద ప్యాసింజర్ కార్ల తయారీ సంస్థ మారుతీ సుజుకీ (Maruti Suzuki) త్వరలో కార్ల ధరలను పెంచాలని భావిస్తోంది. ఇదే విషయాన్ని కంపెనీ రెగ్యులేటరీ ఫైలింగ్‌లో వెల్లడించింది. ఫిబ్రవరి 1, 2025 నుంచి మారుతీ కార్ల ధరలు పెరగనున్నాయి (Hike Prices). ఇన్‌పుట్ ఖర్చుల పెరుగుదలను పాక్షికంగా భర్తీ చేసేందుకు వచ్చే ఫిబ్రవరి నుంచి వివిధ మోడళ్లలో కార్ల మోడల్ బట్టి రూ. 32,500 వరకు ధరలను పెంచనున్నట్లు ప్రకటించింది.

Maruti Suzuki E Vitara: మారుతి సుజుకీ నుంచి కొత్త మోడల్ ఎలక్ట్రిక్ వెహికిల్‌ లాంచ్‌, ఆటో ఎక్స్‌పోలో ఫీచర్లు, ధర విడుదల చేసిన కంపెనీ 

స్టాక్ ఎక్స్ఛేంజీలకు రెగ్యులేటరీ ఫైలింగ్‌లో మాట్లాడుతూయయ పెరుగుతున్న ఇన్‌పుట్ ఖర్చులు, నిర్వహణ ఖర్చుల కారణంగా కార్ల ధరలను ఫిబ్రవరి 1 నుంచి పెంచాలని మారుతి సుజుకీ యోచిస్తోంది. “కంపెనీ ఖర్చులను సర్దుబాటు చేయడంతో పాటు వినియోగదారులపై ప్రభావాన్ని తగ్గించేందుకు పెరిగిన ఖర్చులలో కొంత భాగాన్ని మార్కెట్‌కు బదిలీ చేయనున్నట్టు” కంపెనీ పేర్కొంది. సుజుకి సవరించిన ధరల ప్రకారం.. కాంపాక్ట్ కారు, సెలెరియో, ఎక్స్-షోరూమ్ ధరలలో రూ. 32,500 వరకు ప్రీమియం మోడల్ ఇన్విక్టా రూ. 30వేల వరకు పెరుగుతుంది.

మారుతి సుజుకి ఇండియా పాపులర్ వ్యాగన్-ఆర్ మోడల్ ధర రూ. 15వేల వరకు పెరుగుతుంది. స్విఫ్ట్ ధర రూ. 5వేల వరకు పెరుగుతుంది. ఎస్‌యూవీలలో బ్రెజ్జా, గ్రాండ్ విటారా వరుసగా రూ. 20వేలు, రూ. 25వేల వరకు ధరలను పెంచుతాయి. ఎంట్రీ లెవల్ చిన్న కార్లలో అల్టో కె10 ధరలు రూ. 19,500 వరకు, ఎస్-ప్రెస్సో ధర రూ. 5వేల వరకు పెరుగుతాయి.

New Kia EV6: కేవలం 18 నిమిషాల్లో 80 శాతం చార్జింగ్‌ అయ్యే కార్‌,  అంతేకాదు 650 కి.మీ రేంజ్‌తో కొత్త ఎలక్ట్రిక్‌ కారును మార్కెట్లోకి లాంచ్‌ చేసిన కియా 

ప్రీమియం కాంపాక్ట్ మోడల్ బాలెనో ధర రూ. 9వేల వరకు, కాంపాక్ట్ ఎస్‌యూవీ ఫ్రాంక్స్ ధర రూ. 5,500 వరకు, కాంపాక్ట్ సెడాన్ డిజైర్ ధర రూ. 10వేల వరకు పెరుగుతుందని కార్ల తయారీదారు వెల్లడించింది. కంపెనీ ప్రస్తుతం ఎంట్రీ లెవల్ ఆల్టో కె-10 నుంచి రూ. 3.99 లక్షల నుంచి ప్రారంభమయ్యే ఇన్విక్టో వరకు రూ. 28.92 లక్షలకు అనేక రకాల కార్ల మోడళ్లను విక్రయిస్తోంది.

మారుతీ సుజుకీ ఇండియా కార్ల ధర పెంపు :

సెలెరియోకి రూ. 32,500 ధర పెరిగింది. అయితే, సియాజ్, జిమ్నీ ధరలు రూ. 1,500 వరకు పెరుగుతాయి. ఈ మోడల్ వారీగా ధరలు ఇలా ఉన్నాయి.

ఆల్టో K10: రూ. 19,500 వరకు

ఎస్-ప్రెస్సో: రూ. 5వేల వరకు

సెలెరియో: రూ. 32,500 వరకు

వ్యాగన్ ఆర్ : రూ. 13వేల వరకు

స్విఫ్ట్ : రూ. 5వేల వరకు

డిజైర్ : రూ. 10,500 వరకు

బ్రెజ్జా : రూ. 20వేల వరకు

ఎర్టిగా : రూ. 15వేల వరకు

ఈకో : రూ. 12వేల వరకు

సూపర్ క్యారీ : రూ. 10వేల వరకు

ఇగ్నిస్ : రూ. 6వేల వరకు

బాలెనో : రూ. 9వేల వరకు

సియాజ్ : రూ. 1,500 వరకు

ఎక్స్ఎల్6 : రూ. 10వేల వరకు

ఫ్రాంక్స్ : రూ. 5,500 వరకు

ఇన్విక్టో : రూ. 30వేల వరకు

జిమ్నీ : రూ. 1,500 వరకు

గ్రాండ్ విటారా : రూ. 25వేల వరకు

(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).