Avatar2 Leaked: విడుదలకు ముందే లీక్ అయిన అవతార్ 2.. టెలీగ్రామ్, టోరెంట్స్ లో లింక్స్ ప్రత్యక్షం.. మొత్తం చిత్రం ఆన్ లైన్లోకి!
ప్రపంచంలోనే అత్యంత భారీ వ్యయంతో నిర్మించి, జేమ్స్ కామెరూన్ దర్శకత్వం వహించిన ‘అవతార్ 2’ ఆన్ లైన్ లో లీక్ అయింది. 13 ఏళ్ల క్రితం వచ్చిన ‘అవతార్’ హాలీవుడ్ లో సంచలనం సృష్టించిన విషయం తెలిసిందే. దీనికి కొనసాగింపుగా నేడు ‘అవతార్ 2’ వస్తోంది.
Hyderabad, Dec 16: ప్రపంచంలోనే అత్యంత భారీ వ్యయంతో నిర్మించి, జేమ్స్ కామెరూన్ (James Cameron) దర్శకత్వం వహించిన ‘అవతార్ 2’ (Avatar 2) ఆన్ లైన్ లో లీక్ (Leaked in Online) అయింది. 13 ఏళ్ల క్రితం వచ్చిన ‘అవతార్’ హాలీవుడ్ (Hollywood) లో సంచలనం సృష్టించిన విషయం తెలిసిందే. ఈ విజువల్ వండర్ ప్రేక్షకులను సరికొత్త ప్రపంచంలోకి తీసుకెళ్లింది.
భారీ బడ్జెట్ తో తెరకెక్కి అన్ని భాషల్లోనూ కలెక్షన్ల వర్షం కురిపించింది. దీనికి కొనసాగింపుగా ఇన్నేళ్లకు ‘అవతార్ 2’ వస్తోంది. ‘ద వే ఆఫ్ వాటర్’ పేరుతో డిసెంబర్ 16న ప్రపంచ వ్యాప్తంగా విడుదల కానుంది. ఇంగ్లిష్ తో పాటు పలు భారతీయ భాషల్లో ప్రేక్షకులను అలరించనుంది. ఏకంగా 160 భాషల్లో రిలీజ్ అవుతోంది. భారత్ లో హిందీ, తెలుగు, తమిళ, కన్నడ, మలయాళ భాషల్లో విడుదలవుతోంది. అయితే, ఈ చిత్రం మరొక రోజులో థియేటర్లలో సందడి చేయనుందనగా.. చిత్రబృందానికి పైరసీదారులు షాకిచ్చారు.
గురువారమే ఈ చిత్రాన్ని లీక్ చేశారు. మొత్తం చిత్రాన్ని ఆన్ లైన్ లో పెట్టారు. లండన్ లో ఈ నెల 6వ తేదీనే విడుదల కావడంతో ఈ చిత్రం కాపీని టెలీగ్రామ్ తో పాటు టోరెంట్ సైట్లలో అందుబాటులో ఉంచారు. దాంతో, పలువురు దీన్ని డౌన్ లోడ్ చేసుకొని ఉచితంగా చూస్తున్నారు. చిత్రం లింక్స్ ను సోషల్ మీడియా ప్లాట్ ఫామ్స్ లో షేర్ చేస్తున్నారు.
(The above story first appeared on LatestLY on Dec 16, 2022 08:26 AM IST. For more news and updates on politics, world, sports, entertainment and lifestyle, log on to our website latestly.com).
