Bheemla Nayak: కుమ్మరి చక్రాన్ని కాలితో తన్ని మా కుమ్మరులను అవమానిస్తారా, వెంటనే ఆ సీన్ తొలగించండి, భీమ్లా నాయక్ సినిమాపై పోలీసులకు ఫిర్యాదు చేసిన కుమ్మర శాలివాహన సేవా సంఘం
వన్ కల్యాణ్-రానా దగ్గుబాటి మల్టీస్టారర్ చిత్రం భీమ్లా నాయక్ (Bheemla Nayak) తాజాగా వివాదంలో చిక్కుకుంది. ఈ మూవీలోని పలు సన్నివేశాలపై కుమ్మర శాలివాహన సేవా సంఘం రాష్ట్ర అధ్యక్షకులు డాక్టర్ మానేపల్లి వీవీఎస్ఎన్ మూర్తి అభ్యంతరం వ్యక్తం చేశారు.
పవన్ కల్యాణ్-రానా దగ్గుబాటి మల్టీస్టారర్ చిత్రం భీమ్లా నాయక్ (Bheemla Nayak) తాజాగా వివాదంలో చిక్కుకుంది. ఈ మూవీలోని పలు సన్నివేశాలపై కుమ్మర శాలివాహన సేవా సంఘం రాష్ట్ర అధ్యక్షకులు డాక్టర్ మానేపల్లి వీవీఎస్ఎన్ మూర్తి అభ్యంతరం వ్యక్తం చేశారు. వెంటనే ఆ సన్నివేశాలని తొలిగించాలని ఆయన డిమాండ్ చేశారు. ఈ మేరకు గుంటూరు అర్బన్ ఎస్పీ ఆరిఫ్ హఫీజ్కు ఆయన ఫిర్యాదు (Case Filed Against Pawan Kalyan Bheemla Nayak) చేశారు.
వివరాల్లొకి వెళితే.. భీమ్లా నాయక్ మూవీలో రానా-పవన్ కల్యాణ్ల మధ్య చిత్రీకరించిన ఫైటింగ్ సీన్లో ఓ చోట కుమ్మరులు పవిత్రంగా భావించే సారెను రానా కాలితో తన్నారు. ఇది తమ వర్గాన్ని అవమానించేలా ఉందని మానేపల్లి వీవీఎస్ఎన్ మూర్తి మీడియాకు తెలిపారు. ఈ ఫైటింగ్ సన్నివేశంలో రానా కుమ్మరి చక్రాన్ని(సారె) కాలితో తన్ని దానితో పవన్పై దాడి చేసినట్లు చూపించారు. మేము కుమ్మరి చక్రాన్ని ఎంతో పవిత్రంగా భావిస్తాం. అలాంటి సారెను కాలితో తన్నినట్లు చూపించడం మమ్మల్ని కించపరచడమే కాదు.. కుమ్మరుల మనోభావాలను దెబ్బతీసే విధంగా ఉంది’ అని ఆయన అన్నారు.
సర్కారువారి పాట నుంచి సరికొత్త పోస్టర్, మాస్ లుక్తో అదరగొడుతున్న మహేష్ బాబు
అంతేకాదు ఈ సన్నివేశాన్ని వెంటనే మూవీ నుంచి తొలిగించేలా చర్యలు తీసుకోవాలన్నారు. ఈ సినిమా హీరోలు పవన్ కల్యాణ్, రానా, దర్శక-నిర్మాతలు సాగర్ కే చంద్ర, సూర్య దేవర నాగవంశీలపై చర్యలు తీసుకోవాలని కోరారు. అంతేకాదు కుమ్మర శాలివాహనులను అవమానపరిచిన పవన్ కల్యాణ్ కుమ్మర శాలివాహనులకు బహిరంగ క్షమాపణ చెప్పాలని డిమాండ్ చేశారు.
(The above story first appeared on LatestLY on Mar 01, 2022 05:05 PM IST. For more news and updates on politics, world, sports, entertainment and lifestyle, log on to our website latestly.com).
