QuickLY
Socially
Hyderabad, May 20: యంగ్ టైగర్ (Young Tiger) ఎన్టీఆర్ (NTR) కొత్తం చిత్రం టైటిల్ 'దేవర' (Devara) తనదేనని ప్రముఖ నటుడు, నిర్మాత బండ్ల గణేశ్ (Bandla Ganesh) అంటున్నారు. 'దేవర' టైటిల్ ను తాను రిజిస్ట్రేషన్ చేయించుకున్నానని బండ్ల గణేశ్ వెల్లడించారు. నిన్న సాయంత్రం 7 గంటల తర్వాత 'దేవర' టైటిల్ ను చిత్రబృందం రిలీజ్ చేయగా, బండ్ల గణేశ్ అంతకుముందు టైటిల్ పై కలకలం రేపారు. రిజిస్ట్రేషన్ చేయించిన తర్వాత తాను ఆ టైటిల్ గురించి మర్చిపోయానని, అందువల్లే తన టైటిల్ ను కొట్టేశారని ఆరోపించారు.
తనకేమీ సమస్య లేదని..
ఈ విషయంలో తనకేమీ సమస్య లేదని బండ్ల గణేశ్ తెలిపారు. ఇది మన యంగ్ టైగర్ సినిమానే కదా... ఆయన కూడా నాకు దేవరే అంటూ ఈ అంశాన్ని తేలిగ్గా తీసుకుంటున్నట్టు వెల్లడించారు. ఎన్టీఆర్ 30వ చిత్రం 'దేవర' పేరిట కొరటాల శివ దర్శకత్వంలో రూపుదిద్దుకుంటున్న సంగతి తెలిసిందే. ఎన్టీఆర్ బర్త్ డే (మే 20)ని పురస్కరించుకుని ఒకరోజు ముందే సినిమా టైటిల్ ను ప్రకటించారు.
