Chiranjeevi Bhola Shankar (Photo-Twitter)

చిరంజీవి 154వ చిత్రానికి సంబంధించిన అధికారిక ప్రకటన వచ్చేసింది. మెగాస్టార్ పుట్టినరోజు సందర్భంగా ఆదివారం మెహర్‌ రమేష్‌ దర్శకత్వంలో ‘వేదాళం’ రీమేక్‌కు సంబంధించిన అప్‌డేట్‌ను ప్రకటించారు. త్వరలో పట్టాలెక్కనున్న ఈ చిత్రానికి ‘బోళా శంకర్‌’ (Chiranjeevi Bhola Shankar) అనే టైటిల్‌ను ఖరారు చేశారు. సూపర్‌ స్టార్‌ మహేశ్‌ బాబు (Mahesh Babu) ఈ మూవీ టైటిల్‌ మోషన్‌ పోస్టర్‌ను విడుదల చేశారు. ఏకే ఎంటర్‌టైన్‌మెంట్స్‌ పతాకంపై తెరకెక్కుతోన్న ఈ చిత్రాన్ని అనిల్‌ సుంకర నిర్మిస్తున్నారు.

తమిళ్ బ్లాక్ బస్టర్ ‘వేదాళం రీమేక్ గా భోళా శంకర్‌ రూపొందబోతోంది. ఈ చిత్రం తమిళ వెర్షన్ లో అజిత్ హీరోగా నటించాడు. ఈ తెలుగు రీమేక్ లో ముందుగా పవన్ నటించాల్సి ఉంది. గత కొన్ని సంవత్సరాలుగా ఈ రీమేక్ ను నాన్చుతునే ఉన్నారు. ఇప్పుడు మెగాస్టార్ చిరంజీవి ఈ రీమేక్ చేయబోతున్నారు. ఇందులో చిరు విభిన్నమైన లుక్‌లో కనిపించనున్నారు.

అన్నకు ప్రేమతో జన్మదిన శుభాకాంక్షలు తెలిపిన పవన్ కళ్యాణ్, చిరంజీవి నాకే కాదు ఎంద‌రికో మార్గ‌ద‌ర్శి అంటూ లేఖలో జనసేన అధినేత స్పష్టం

ఆయన ఈ సినిమాలో గుండుతో కనిపించే అవకాశాలున్నట్లు సమాచారం. ఈ చిత్రంలో చిరంజీవికి సోదరిగా కీర్తి సురేశ్‌ నటించబోతున్నట్లు వార్తలు వినిపిస్తున్నాయి.

మహేష్ బాబు ట్వీట్ 

ఈ సందర్భంగా.."హ్యాపీ బర్త్ డే చిరంజీవి (Happy Birthday Chiranjeevi) గారు.. మీ సినిమా టైటిల్ 'భోళా శంకర్'ని లాంచ్ చేయడాన్ని గౌరవంగా భావిస్తున్నాను. నా స్నేహితుడు మెహర్ రమేష్ దర్శకత్వంలో, నా ఫేవరెట్ నిర్మాత అనల్ సుంకర ఈ చిత్రాన్ని నిర్మిస్తున్నారు. నేడు బర్త్ డే జరుపుకుంటున్న మెగాస్టార్ ఆయురారోగ్యాలతో.. గొప్ప విజయాలతో ముందుకు కొనసాగాలని ఆకాంక్షిస్తూ .. ఆల్ ది బెస్ట్ సర్.." అంటూ మహేష్ ట్వీట్ చేశారు.