Ramesh Valiyasala (Photo Credit: Twitter)

మళయాళ సినీ పరిశ్రమలో విషాదం చోటుచేసుకుంది. ప్రముఖ మలయాళ సినీ, టీవీ నటుడు రమేశ్‌ వలీయశాల (54) ఆత్మహత్య (Ramesh Valiyasala found hanging) చేసుకున్నారు. ఇటీవల బాలీవుడ్‌ నటుడు సిద్ధార్థ్‌ శుక్లా అకాల మరణం మరవక ముందే మరో నటుడి మృతి సినీ పరిశ్రమలో కలకలం రేపుతోంది. 22 ఏళ్లకు పైగా అనుభవం ఉన్న ఈ సీనియర్ నటుడు శ‌నివారం (సెప్టెంబర్ 11) ఉదయం తిరువనంతపురంలోని తన నివాసంలో ఉరి వేసుకుని ఆత్మహత్యకు పాల్పడినట్లు సమాచారం. ఆయన (Popular Kerala TV actor Ramesh Valiyasala ) మరణ వార్తతో మాలీవుడ్‌ చిత్ర పరిశ్రమ విషాద ఛాయలు అలుముకున్నాయి.

సోషల్‌ మీడియా వేదికగా నటీనటులు, దర్శక-నిర్మాతలు ఆయన కుటుంబానికి సంతాపం తెలుపుతూ రమేశ్‌ మృతికి నివాళులు ఆర్పిస్తున్నారు. కేరళ పరిశ్రమలో వరుసగా సీరియల్స్‌, సినిమాలు చేస్తూ నటుడిగా ఫుల్‌ బిజీగా ఉండే ఆయన ఆత్మహత్య చేసుకోవడంపై పలు అనుమానాలు వ్యక్తం అవుతున్నాయి.

నిలకడగా సాయి ధరమ్‌ తేజ్‌ ఆరోగ్యం, ఐసీయూలో ఉంచి చికిత్స అందిస్తున్నామని తెలిపిన వైద్యులు, ప్రమాద ఘటనకు సంబంధించి సీసీ టీవీ పుటేజీ విడుదల, నిర్లక్ష్యం, రాష్‌ డ్రైవింగ్‌ కింద సాయి తేజ్‌పై కేసు నమోదు చేసిన పోలీసులు

దీంతో పోలీసులు అనుమానాస్పద మృతిగా కేసు నమోదు చేసి దర్యాప్తు చేపట్టారు. కాగా రెండు రోజుల క్రితం రమేశ్‌ వలీయశాల షూటింగ్‌ నుంచి తిరిగి ఇంటికి వచ్చారని, ఇలా ఈ రోజు జీవిచ్చవంలా కనిపించడంతో అతడి సహ నటీనటులు జీర్ణించుకోలేకపోతున్నారు.