Representative Image (File Image)

New Delhi, SEP 02: 85 ఏండ్ల వృద్ధురాలిపై లైంగిక దాడి జరిగింది(Elderly woman raped). నిందితుడు ఆమెను కొట్టడంతోపాటు బ్లేడ్‌తో పెదవులు కోశాడు. దేశ రాజధాని ఢిల్లీలో (Delhi crime) ఈ సంఘటన జరిగింది. నేతాజీ సుభాష్ ప్రాంతంలో 85 ఏండ్ల వృద్ధురాలు నివసిస్తున్నది. శుక్రవారం తెల్లవారుజామున 4 గంటల సమయంలో ఒక వ్యక్తి ఆమె ఇంట్లోకి చొరబడ్డాడు. నిద్రిస్తున్న వృద్ధురాలిపై లైంగిక దాడికి పాల్పడ్డాడు. ఆమెను కొట్టడంతోపాటు పెదవులను బ్లేడ్‌తో కోశాడు. ఈ నేపథ్యంలో ఆ వృద్ధురాలు తీవ్రంగా గాయపడింది.

Korutla Deepthi Murder Case: అక్కను నేనే చంపేశా..ఒప్పుకున్న చందన... వోడ్కా తాగించి, చేతులు కట్టేసి, ప్రియుడితో కలిసి అక్కను దారుణంగా హత్య చేసిన చెల్లెలు 

కాగా, ఫిర్యాదు అందుకున్న పోలీసులు వెంటనే రంగంలోకి దిగారు. వృద్ధురాలిని ఆసుపత్రికి తరలించి చికిత్స అందిస్తున్నారు. ఆ ప్రాంతంలోని సీసీటీవీ ఫుటేజ్‌ను పరిశీలించారు. 28 ఏండ్ల ఆకాష్‌ను నిందితుడిగా గుర్తించారు. అతడ్ని అరెస్ట్‌ చేశారు. ఈ సంఘటనపై కేసు నమోదు చేసి దర్యాప్తు చేస్తున్నారు. మరోవైపు ఢిల్లీ మహిళా కమిషన్‌ (DCW) చీఫ్‌ స్వాతి మలివాల్ కూడా ఈ సంఘటనపై స్పందించారు. ఈ కేసు వివరాలు, నివేదికను అందజేయాలని ఢిల్లీ పోలీసులను ఆదేశించారు.