Bank Robbery: పట్టపగలే బ్యాంకు నుండి రూ.8 లక్షలు దోచుకెళ్లారు, బీహార్లోని ముజఫర్పూర్లో ఘటన, సీసీటీవీ పుటేజీలో రికార్డు, కేసు నమోదు చేసిన పోలీసులు (వీడియో )
బీహార్ లోని ముజఫర్ పూర్ లో (Bank Robbery in Bihar) పట్టపగలే దోపిడీ దొంగలు వీరంగం సృష్టించారు. గుర్తు తెలియని నలుగురు వ్యక్తులు ముజఫర్పూర్ లోని ఒక ప్రైవేట్ బ్యాంక్ నుండి రూ .8 లక్షలు దోచుకున్నారు. ఈ సంఘటన మొత్తం సిసిటివి కెమెరాలో (CCTV camera) రికార్డయింది.
Patna, February 19: బీహార్ లోని ముజఫర్ పూర్ లో (Bank Robbery in Bihar) పట్టపగలే దోపిడీ దొంగలు వీరంగం సృష్టించారు. గుర్తు తెలియని నలుగురు వ్యక్తులు ముజఫర్పూర్ లోని ఒక ప్రైవేట్ బ్యాంక్ నుండి రూ .8 లక్షలు దోచుకున్నారు. ఈ సంఘటన మొత్తం సిసిటివి కెమెరాలో (CCTV camera) రికార్డయింది.
ఈ సంఘటన మంగళవారం మధ్యాహ్నం 2.45 గంటలకు బ్యాంకు వద్ద పట్ట పగలే జరిగింది. ANI విడుదల చేసిన వీడియో క్లిప్ ప్రకారం, నలుగురు దుండుగులు బ్యాంకులోకి ప్రవేశించి నేరుగా క్యాషియర్ క్యాబిన్లోకి వెళ్లారు. ఈ సంఘటన జరిగినప్పుడు బ్యాంకు ఉద్యోగులతో పాటు 10 మందికి పైగా ఖాతాదారులు బ్యాంకు వద్ద ఉన్నారు.
సోషల్ మీడియాలో వైరల్ అయిన ఈ వీడియో ప్రకారం, నలుగురు వ్యక్తులు ముందు తలుపు నుండి బ్యాంకులోకి ప్రవేశించడం కనిపించింది. నలుగురిలో ఒకరు కౌంటర్ వద్ద నిలబడి ఉండగా, ముగ్గురు వ్యక్తులు క్యాషియర్ క్యాబిన్లోకి ప్రవేశించి మొత్తం డబ్బును ఒక సంచిలో తీసుకున్నారు.
Here's the Video:
#WATCH Bihar: 4 unidentified people rob Rs 8 lakh from a private bank in Muzaffarpur. Investigation on to nab the accused. (18.02.20) pic.twitter.com/3LgUW9BpGq
— ANI (@ANI) February 19, 2020
బ్యాంకు ఉద్యోగి అప్రమత్తమయ్యేలోపే దుండగులు నగదుతో పారిపోయినట్లు సీసీ టీవీ పుటేజీలో రికార్డైంది. బ్యాంకు మేనేజర్ ఫిర్యాదు మేరకు కేసు నమోదు చేసిన పోలీసులు..సీసీ టీవీ దృశ్యాల ఆధారంగా దుండగులను పట్టుకునే పనిలో పడ్డారు.
అక్టోబర్ 2019 లో, ముజఫర్పూర్ లో ఇలాంటి సంఘటనే జరిగింది, గోబర్సాహి ప్రాంతంలోని ఐసిఐసిఐ బ్యాంక్ శాఖ నుండి ఆరుగురు దుండుగులు హెల్మెట్ ధరించి, ముఖాలను కప్పుకొని 8 లక్షల రూపాయలు దోచుకున్నారు.
(The above story first appeared on LatestLY on Feb 19, 2020 02:45 PM IST. For more news and updates on politics, world, sports, entertainment and lifestyle, log on to our website latestly.com).
