QuickLY
Socially
Bhubaneswar, Dec 14: భువనేశ్వర్‌లో పుట్టినరోజు వేడుకల్లో సౌండ్ వస్తుందని అభ్యంతరం చెప్పినందుకు (Objecting to Noise During Birthday Party ) ఓ మహిళపై ముగ్గురు యువకులు సామూహిక అత్యాచారానికి (Woman Gang-Raped)పాల్పడ్డారు.
డిసెంబరు 11 (ఆదివారం) మంచేశ్వర్ పోలీసు పరిధిలో జరిగిన ఈ సంఘటన సోమవారం బాధితురాలు ఫిర్యాదు చేయడంతో వెలుగులోకి వచ్చింది. సోమవారం మంచేశ్వర్ పోలీస్ స్టేషన్‌లో మహిళ ఇచ్చిన ఫిర్యాదు ఆధారంగా, పోలీసులు ఐపిసిలోని సంబంధిత సెక్షన్ల కింద కేసు నమోదు చేసి, ముగ్గురు నిందితులను అరెస్టు (Three Arrested) చేసినట్లు కళింగటివి నివేదించింది.
నిందితులను దేబాషిస్ ప్రధాన్ (24), దీపక్ కుమార్ సేథీ (24), స్వాధీన్ కుమార్ నాయక్ (22)లుగా గుర్తించారు. డిసెంబర్ 11 సాయంత్రం దీపక్ తన పుట్టినరోజును పురస్కరించుకుని పార్టీ ఏర్పాటు చేసినట్లు పోలీసులు తెలిపారు. నిందితులు పార్టీలొ పెద్ద సౌండ్ తో డీజే ఏర్పాటు చేయడంతో ఆ ప్రాంతంలో నివసించే వారు అభ్యంతరం తెలిపారు. అయితే, ఫిర్యాదుపై ఆగ్రహించిన నిందితులు ముగ్గురూ మహిళను ఓ ఇంట్లోకి లాగి వంతులవారీగా అత్యాచారానికి పాల్పడ్డారు.
ఆ సమయంలో మహిళ భర్త ఇంట్లో లేడు. బాధితురాలు సహాయం కోసం కేకలు వేయడంతో కొందరు ఇరుగుపొరుగు వారు అక్కడికి చేరుకుని నిందితుల బారి నుంచి ఆమెను రక్షించారు. అయితే, అక్కడి నుంచి వెళ్లే ముందు నిందితులు ముగ్గురూ బాధితురాలిని చంపేస్తామని బెదిరించినట్లు సమాచారం. బాధితురాలు, ఆమె భర్త నిందితులు మరియు వారి సహచరులు కొందరిపై మంచేశ్వర్ పోలీస్ స్టేషన్‌లో కేసు పెట్టారు. ఫిర్యాదు మేరకు ఐపీసీలోని సంబంధిత సెక్షన్ల కింద కేసు నమోదు చేసి ముగ్గురిని అరెస్ట్ చేశారు. విచారణలో నిందితులు తమ నేరాన్ని అంగీకరించారు.
