గత ఎన్నికలకు ముందు దివంగత ముఖ్యమంత్రి రాజశేఖర్ రెడ్డి బయోపిక్ గా 'యాత్ర' సినిమా వచ్చిన సంగతి తెలిసిందే. ఇప్పుడు మళ్లీ ఎన్నికల ముందు 'యాత్ర 2' వస్తోంది. ఈ చిత్రంలో వైఎస్ పాత్రను మమ్ముట్టి పోషిస్తుండగా... జగన్ పాత్రను తమిళ నటుడు జీవా పోషిస్తున్నారు. వైఎస్ మరణానికి ముందు, మరణం తర్వాత ఉన్న పరిస్థితులు, జగన్ సీఎం అయిన విధానాన్ని ఈ చిత్రంలో చూపించబోతున్నారు. 2024 ఫిబ్రవరి 8న ఈ సినిమాను విడుదల చేయనున్నారు.

ఈ సినిమాలో చంద్రబాబు పాత్రను బాలీవుడ్ నటుడు మహేశ్ మంజ్రేకర్ పోషిస్తున్నట్టు సమాచారం. మరోవైపు సోనియాగాంధీ పాత్రలో జర్మనీ నటి సుజానే బెర్నెర్ట్ నటిస్తున్నారు. తాజాగా సోనియాగాంధీ పాత్ర ఫస్ట్ లుక్ ను మేకర్స్ విడుదల చేశారు. సుజానే బాలీవుడ్ లో సీరియల్స్, వెబ్ సిరీస్ లలో నటించారు. గతంలో మన్మోహన్ సింగ్ కు సంబంధించి తెరకెక్కిన 'ది యాక్సిడెంటల్ ప్రైమ్ మినిస్టర్' చిత్రంలో కూడా ఆమె సోనియా పాత్రను పోషించారు. ఈ చిత్రానికి మహి వీ రాఘవ్ దర్శకత్వం వహిస్తున్నారు. త్రీ ఆటమ్ లీవ్స్, శివ మేక, వీ సెల్యులాయిడ్ సంయుక్తంగా ఈ చిత్రాన్ని నిర్మిస్తున్నారు.

Yatra 2 (Photo-X)

(ట్విట్టర్, ఇన్‌స్టాగ్రామ్ మరియు యూట్యూబ్‌తో సహా సోషల్ మీడియా ప్రపంచం నుండి సరికొత్త బ్రేకింగ్ న్యూస్, వైరల్ వార్తలకు సంబంధించిన సమాచారం సోషల్ మీడియా మీకు అందిస్తోంది. పై పోస్ట్ యూజర్ యొక్క సోషల్ మీడియా ఖాతా నుండి నేరుగా పొందుపరచడం జరిగింది. లేటెస్ట్‌లీ సిబ్బంది ఈ కంటెంట్ బాడీని సవరించలేదు లేదా సవరించకపోవచ్చు. సోషల్ మీడియా పోస్ట్‌లో కనిపించే అభిప్రాయాలు మరియు వాస్తవాలు లేటెస్ట్‌లీ అభిప్రాయాలను ప్రతిబింబించవు, అలాగే లేటెస్ట్‌లీ దీనికి ఎటువంటి బాధ్యత వహించదు.)