బీహార్ రాష్ట్రంలోని పాట్నాలో ఓ టీచర్ పిల్లాడిని కొడుతున్న ఘటన వీడియో వైరల్ అవుతోంది. ఆరేళ్ళ వయసున్న పిల్లాడిని ఏమాత్రం కనికరం లేకుండా చితకబాదాడు. ఆ విద్యార్థి ఏడుస్తూ మొత్తుకుంటున్నా.. ఏ మాత్రం పట్టించుకోకుండా.. పశువు కంటే దారుణంగా కసితీరా కొట్టాడు. పాట్నా జిల్లాలోని ధనరువా బ్లాక్‌లోని ఓ ప్రయివేట్ కోచింగ్ సెంటర్లో ఈ ఘటన చోటు చేసుకుంది. ముందుగా పిల్లాడిని కర్రలు విరిగేలా కొట్టిన ఆ యువ టీచర్... అంతటితో ఆగకుండా.. వీపు మీద చేతులతో కొట్టడంతోపాటు.. జట్టు పట్టుకొని లాగేశాడు. పిల్లాడు ఏడుస్తూ.. కొట్టొద్దని వేడుకుంటున్నప్పటికీ ఆయన వినలేదు. ఆ చిన్నారిని హాస్పిటల్‌కు తరలించిన స్థానికులు.. టీచర్‌ను పట్టుకొని చితకబాదారు.ట్యూషన్ టీచర్ అమరకాంత్ అరెస్ట్ చేసినట్లు పాట్నా పోలీసులు తెలిపారు. విషయం తీవ్రతను పరిగణనలోకి తీసుకుని ప్రత్యేక బృందాన్ని ఏర్పాటు చేశామని  పాట్నా SSP తెలిపారు. 

(ట్విట్టర్, ఇన్‌స్టాగ్రామ్ మరియు యూట్యూబ్‌తో సహా సోషల్ మీడియా ప్రపంచం నుండి సరికొత్త బ్రేకింగ్ న్యూస్, వైరల్ వార్తలకు సంబంధించిన సమాచారం సోషల్ మీడియా మీకు అందిస్తోంది. పై పోస్ట్ యూజర్ యొక్క సోషల్ మీడియా ఖాతా నుండి నేరుగా పొందుపరచడం జరిగింది. లేటెస్ట్‌లీ సిబ్బంది ఈ కంటెంట్ బాడీని సవరించలేదు లేదా సవరించకపోవచ్చు. సోషల్ మీడియా పోస్ట్‌లో కనిపించే అభిప్రాయాలు మరియు వాస్తవాలు లేటెస్ట్‌లీ అభిప్రాయాలను ప్రతిబింబించవు, అలాగే లేటెస్ట్‌లీ దీనికి ఎటువంటి బాధ్యత వహించదు.)