QuickLY
Socially
Vizianagaram, April 17: విజయనగరం జిల్లా డెంకాడ గ్రామంలో దారుణ ఘటన చోటు చేసుకుంది. ఓ కిరాతక సవతి తండ్రి అర్థరాత్రి దాటిన తర్వాత సవతి కూతురిపై అత్యాచారానికి (Step Father sexually Assaults Daughter) పాల్పడుతూ వచ్చాడు. ఈ దారునం నెలల పాటు సాగింది. పోలీసులు తెలిపిన వివరాల ప్రకారం.. డెంకాడా జోన్‌కు (Denkada Shocker) చెందిన 12 ఏళ్ల బాలిక ఏడవ తరగతి చదువుతోంది. ఇంట్లో ఎవరూ లేని సమయంలో అర్ధరాత్రి తన సవతి తండ్రి అత్యాచారానికి (sexually Assaults) పాల్పడుతూ వచ్చాడు. కాగా ఇటీవలికాలంలో భార్య, భర్తల మధ్య తగాదా రావడంతో బాలికను తీసుకుని తల్లి విశాఖలో ఉంటున్న సోదరుడి ఇంటికి వెళ్లిపోయింది.
అయితే భర్తతో తగాదా మంచిది కాదని సోదరుడు సర్దిచెప్పడంతో రెండురోజుల కిందటే తిరిగి ఆ మహిళ తన కూతురును తీసుకుని ఇంటికి వచ్చేసింది. ఇంటికి వచ్చిన తర్వాత కూడా తల్లి లేని సమయంలో బాలికపై ఆ కామాంధుడు అత్యాచారానికి ఒడిగట్టాడు. కాగా ఈ దారుణంపై ఆ బాలిక తన తల్లితో కూడాపెదవి విప్పలేకపోయింది. కొద్ది రోజుల తర్వాత ఆ బాలిక విశాఖ వెళ్లినప్పుడు పక్కింటి పిన్నితో తన గోడునంతా వెళ్లబోసుకుంది. అప్పుడు ఆమె కూడా ఏం చేయలేకపోయింది. అయితే మళ్లీ తిరిగి వచ్చిన తర్వాత కూడా సవతి తండ్రి అత్యాచారం చేయడంతో బాలిక ఏడుస్తూ ఫోన్‌లో తన పిన్నికి విషయం చెప్పింది.
ఆమె వెంటనే స్పందించిన ఆమె ఆ బాలిక తల్లికి విషయాన్ని వివరించడంతో ఆమె తల్లి వెంటనే ‘దిశ’ పోలీసు స్టేషన్‌లో ఫిర్యాదు చేశారు. రంగంలోకి దిగిన దిశ డీఎస్పీ టి.త్రినాథ్‌ సంఘటనా స్ధలానికి చేరుకుని పరిస్ధితిని సమీక్షించారు. నిందితుడిని అదుపులోకి తీసుకున్నామని, పోక్సో యాక్ట్‌ కింద కేసు నమో దు చేసి దర్యాప్తు చేస్తున్నట్లు తెలిపారు.
