Headmaster Misbehave with Students: ఒంటిపై పుట్టుమచ్చలు చూపించాలంటూ బాలికలతో హెడ్మాస్టర్ కీచక చర్యలు, సత్యసాయి జిల్లాలో బయటపడ్డ ప్రధానోపాధ్యాయుడి వికృతాలు
సత్యసాయి జిల్లాలో ఓ ప్రధానో పాధ్యాయుడి (headmaster) కీచక పర్వం ఆసల్యంగా బయటపడింది. తనకల్లు మండలం నల్లగుట్లపల్లి జల్లాపరిషత్ ప్రధానోపాధ్యాయుడు ఆదినారాయణ..పాఠశాలలో బాలికలకు గత కొద్దిరోజులుగా నరకం చూపిస్తున్నాడు. ప్రధానోపాధ్యాయుడి లైంగిక వేధింపులు…వికృత చేష్టలను (misbehave with girl students) భరిస్తూ.. చాలాకాలంగా విద్యార్థినులు తమలో తామే కుమిలిపోయారు.
Vijayawada, March 10: సత్యసాయి జిల్లాలో ఓ ప్రధానో పాధ్యాయుడి (headmaster) కీచక పర్వం ఆసల్యంగా బయటపడింది. తనకల్లు మండలం నల్లగుట్లపల్లి జల్లాపరిషత్ ప్రధానోపాధ్యాయుడు ఆదినారాయణ..పాఠశాలలో బాలికలకు గత కొద్దిరోజులుగా నరకం చూపిస్తున్నాడు. ప్రధానోపాధ్యాయుడి లైంగిక వేధింపులు…వికృత చేష్టలను (misbehave with girl students) భరిస్తూ.. చాలాకాలంగా విద్యార్థినులు తమలో తామే కుమిలిపోయారు. ప్రధానోపాధ్యాయుడి స్థానంలో ఉండి…. చివరకు జాతీయ బాలికల దినోత్సవ కార్యక్రమంలో పాల్గొంటూ కూడా ఆదినారాయణ అమ్మాయిల పట్ల అరాచక చేష్టలకు పాల్పడ్డాడు. ఒంటిపై పుట్టుమచ్చలు చూపించాలంటూ విద్యార్థినులతో అసభ్యంగా ప్రవర్తిస్తోంటే అమ్మాయిలు ఎవరికి చెప్పుకోవాలో తెలియక సతమతమయ్యారు. జనవరి 24న జాతీయ బాలికల దినోత్సవం సందర్బంగా ఓ స్వచ్ఛంద సంస్థ విద్యార్థులకు నిర్వహించిన అవగాహన కార్యక్రమంలో ఆదినారాయణ అఘాయిత్యాలు బయటపడ్డాయి.
పాఠశాలలో పరిస్థితులు చాలా అధ్వాన్నంగా ఉన్నాయనీ, ప్రధానోపాధ్యాయుడు సహా మరికొందరిపై చర్యలు తప్పవన్నారు డీఈఓ మీనాక్షి. అక్కడ పనిచేస్తున్న మహిళా టీచ్లు సైతం ప్రధానోపాధ్యాయుడికి సహకరిస్తుండడం దారుణం అన్నారు. ప్రధానోపాధ్యాయుడు ఆదినారాయణ లైంగిక వేధింపులపై స్వచ్ఛంద సంస్థ ప్రతినిధులు జిల్లా విద్యాశాఖ అధికారులకు ఫిర్యాదు చేయడంతో ఆదినారాయణను సస్పెండ్ చేశారు అధికారులు. సెక్షన్ 354(D), సెక్షన్ 7,8,11,12 ఫోక్సో చట్టం కింద కేసు నమోదు చేశారు.
(The above story first appeared on LatestLY on Mar 10, 2023 09:59 PM IST. For more news and updates on politics, world, sports, entertainment and lifestyle, log on to our website latestly.com).
