Donald Trump Sand Art: ట్రంప్ పై తనకున్న అభిమానాన్ని చాటుకున్న ప్రముఖ చిత్రకారుడు సుదర్శన్ పట్నాయక్.. ప్రమాణం నేపథ్యంలో ట్రంప్ సైకత శిల్పం
నిరుడు జరిగిన అమెరికా అధ్యక్ష ఎన్నికల్లో ఘన విజయం సాధించిన డొనాల్డ్ ట్రంప్ (78) నేడు 47వ అధ్యక్షుడిగా ప్రమాణ స్వీకారం చేయనున్నారు. ఇందుకోసం ఆయన ఇప్పటికే ఫ్లోరిడా నుంచి వాషింగ్టన్ చేరుకున్నారు.
Newyork, Jan 20: నిరుడు జరిగిన అమెరికా అధ్యక్ష ఎన్నికల్లో (America Presidential Elections) ఘన విజయం సాధించిన డొనాల్డ్ ట్రంప్ (78) (Donald Trump) నేడు 47వ అధ్యక్షుడిగా ప్రమాణ స్వీకారం చేయనున్నారు. ఇందుకోసం ఆయన ఇప్పటికే ఫ్లోరిడా నుంచి వాషింగ్టన్ చేరుకున్నారు. కాగా, ఒడిశాలోని పూరికి చెందిన ప్రముఖ చిత్రకారుడు సుదర్శన్ పట్నాయక్ ట్రంప్ పై తనకున్న అభిమానాన్ని చాటుకున్నాడు. 47 అడుగుల పొడవైన ట్రంప్ సైకత శిల్పాన్ని పూరి బీచ్ లో ఆయన ప్రదర్శించారు. 'congratulations, వైట్ హౌస్ కు స్వాగతం' అంటూ ఇంగ్లీషు అక్షరాలతో రాశాడు. ఇది పలువురిని ఆకర్షిస్తున్నది.
'బిగ్ బాస్ హిందీ సీజన్ 18' విజేతగా కరణ్ వీర్ మెహ్రా.. విజేతకు రూ. 50 లక్షల క్యాష్ ప్రైజ్
అభిమానంతో ట్రంప్.. సైకత శిల్పం
ఒడిశాలోని పూరికి చెందిన ప్రముఖ చిత్రకారుడు సుదర్శన్ పట్నాయక్ ట్రంప్పై తనకున్న అభిమానాన్ని చాటుకున్నాడు. 47 అడుగుల పొడవైన ట్రంప్ సైకత శిల్పాన్ని పూరి బీచ్లో అతడు ప్రదర్శించాడు. 'congratulations, వైట్ హౌస్కు స్వాగతం' అంటూ ఇంగ్లీషు అక్షరాలతో… pic.twitter.com/9VreByD9BQ
— ChotaNews App (@ChotaNewsApp) January 20, 2025
రోటుండా ఇండోర్ లో ప్రమాణం.. ఎందుకంటే?
వాషింగ్టన్ లో ప్రస్తుతం మైనస్ 11 డిగ్రీల ఉష్ణోగ్రత ఉంది. ఈ క్రమంలో ట్రంప్ ప్రమాణ స్వీకార వేడుకను బహిరంగంగా కాకుండా కేపిటల్ హిల్ లోని రోటుండా ఇండోర్ లో నిర్వహించనున్నారు. ట్రంప్ ప్రమాణ స్వీకారోత్సవంలో పాల్గొనేందుకు అభిమానులు ఇప్పటికే పెద్ద సంఖ్యలో వాషింగ్టన్ చేరుకున్నారు. సెయింట్ జాన్స్ చర్చిలో ప్రార్థనలతో ట్రంప్ తన రోజును ప్రారంభిస్తారు. అనంతరం అక్కడి నుంచి వైట్ హౌస్ కు చేరుకుని అధ్యక్షుడు బైడెన్ ఇచ్చే తేనీటి విందులో పాల్గొంటారు. అక్కడి నుంచి కేపిటల్ హిల్ కు చేరుకుని ప్రమాణ స్వీకారం చేస్తారు. ప్రమాణం అనంతరం తొలి రోజే ట్రంప్ 100కు పైగా ఆదేశాలపై సంతకాలు చేస్తారు. ఎన్నికల్లో ఇచ్చిన ప్రధాన హామీలు ఇందులో ఉన్నట్టు సమాచారం.
(The above story first appeared on LatestLY on Jan 20, 2025 10:34 AM IST. For more news and updates on politics, world, sports, entertainment and lifestyle, log on to our website latestly.com).
