QuickLY
Socially
Kalyan, Feb 2: దేశ ఆర్థిక రాజధాని ముంబైలో షాకింగ్ ఘటన చోటు చేసుకుంది. ఒక మహిళ (32-year-old woman) మైనర్‌ బాలుడ్ని లైంగిక వేధింపులకు గురి చేసింది.అతడితో లైంగిక చర్యలకు (sexually abuses minor boy) పాల్పడుతున్నది. ఈ విషయం ఆ బాలుడి తల్లిదండ్రులకు తెలియడంతో వెంటనే వారు పోలీసులకు ఫిర్యాదు చేశారు. దీంతో ఆ మహిళను పోలీసులు నాసిక్ లో అరెస్ట్ చేశారు. మహారాష్ట్రలోని కళ్యాణ్‌లో ఈ సంఘటన చోటు చేసుకుంది.
పోలీసులు తెలిపిన వివరాల ప్రకారం.. 15 ఏళ్ల బాలుడి కుటుంబంతో కలిసి 32 ఏళ్ల మహిళ కొంతకాలం కలిసి ఉంది. ఈ సందర్భంగా అతడ్ని ఆకట్టుకుని లైంగిక చర్యలకు పాల్పడింది. ఇందులో భాగంగా ఆ బాలుడికి ఖరీదైన మొబైల్ ఫోన్‌ను బహుమతిగా ఇచ్చింది. మరోవైపు కుమారుడిలో మార్పు, ప్రవర్తనను అతడి తల్లిదండ్రులు గమనించారు. ఏం జరుగుతుందో తెలుసుకోవాలని స్కూల్‌ టీచర్‌ను కోరారు.
ఆ టీచర్‌ అడగడంతో ఆ బాలుడు అసలు విషయం చెప్పాడు. బంధువైన మహిళతో లైంగిక సంబంధం ఉన్నట్లు తెలిపాడు. ఈ విషయం తెలుసుకున్న బాలుడి తల్లిదండ్రులు ఆ మహిళను హెచ్చరించారు. తమ కుమారుడికి దూరంగా ఉండాలని చెప్పారు.అయినప్పటికీ ఆ మహిళ బాలుడితో లైంగిక సంబంధం కొనసాగిస్తున్నది. తన ఇంటికి అతడ్ని పిలిపించుకుంటూ తన కోరికలను తీర్చుకుంటోంది. దీంతో బాలుడి పేరెంట్స్‌ చేసేదేమి లేక చివరకు పోలీసులను ఆశ్రయించారు. ఆ మహిళపై పోక్సో చట్టం కింద కేసు నమోదు చేశారు.
