Rajasthan Election Results 2023: రాజస్థాన్ అసెంబ్లీ ఎన్నికల ఫలితాలు, బీజేపీ 115 సీట్లు, కాంగ్రెస్ 69, ఇతరులు 15 సీట్లలో గెలుపు, సీఎం రేసులో బాబా బాలక్‌నాథ్..

Rajasthan Assembly Election Results 2023. (Photo credits: LatestLY)

రాజస్థాన్ అసెంబ్లీ ఎన్నికల ఫలితాలు (Rajasthan Election Results 2023) వెల్లడయ్యాయి. 200 అసెంబ్లీ సీట్లున్న రాష్ట్రంలో (Rajasthan Election Results ) అధికార కాంగ్రెస్ పార్టీ, బీజేపీ మధ్య పోటీ హోరా హోరీగా సాగుతుందనుకున్నారు కానీ బీజేపీ ఏకపక్షంగా 115 సీట్లు, కాంగ్రెస్ 69, ఇతరులు 15 సీట్లు గెలుచుకున్నారు.వాటిల్లో భారతీయ ఆదివాసీ పార్టీ 3, బీఎస్పీ 2, ఆర్‌ఎల్‌డీ 1, ఆర్‌ఎల్‌టీపీ 1 సీట్లు గెలుచుకున్నాయి.ఎనిమిది మంది స్వతంత్ర అభ్యర్థులు కూడా విజయం సాధించారు.

అయితే రాజస్థాన్‌లో అధికారంలో ఉన్న పార్టీకి మరోసారి అధికారం దక్కే సంప్రదాయం లేదు. ఈ సారి ఎన్నికల్లో బీజేపీ పార్టీ.. ప్రధాని నరేంద్రమోదీ కేంద్రంగా ప్రచారం చేయగా, కాంగ్రెస్ పార్టీకి స్థానిక నాయకులే ప్రచారం చేశారు. అశోక్ గహ్లోత్ సర్దార్ పురా నుంచి గెలిచినప్పటికీ కాంగ్రెస్ పార్టీని గెలిపించలేకపోయారు. రాజస్థాన్‌లో మహిళా భద్రత ఒక ముఖ్యమైన అంశంగా మారింది. మహిళలపై జరుగుతున్న నేరాలపై కేంద్ర మంత్రి స్మృతి ఇరానీ, ఇతర నేతలు కూడా కాంగ్రెస్ ప్రభుత్వాన్ని తీవ్రంగా టార్గెట్ చేశారు. ఇది బీజేపీకీ వరంలా మారింది.

ఛత్తీస్‌గఢ్ అసెంబ్లీ ఎన్నికల ఫలితాలు, బీజేపీ 54 స్థానాలు, కాంగ్రెస్ 35 స్థానాలు,ఇతరులు ఒక స్థానంలో గెలుపు

రాజస్థాన్ పబ్లిక్ సర్వీస్ కమిషన్ పరీక్షను కూడా వివాదాలు చుట్టుముట్టాయి పేపర్ లీక్ సమస్య కూడా చాలా వరకు పెరిగింది.ఈ కేసులో ఎఫ్‌ఐఆర్‌లు నమోదు చేసి అరెస్టులు కూడా చేశారు.ఉదయపూర్‌లో లా అండ్ ఆర్డర్ , కన్హయ్యాలాల్ హత్య అంశాన్ని బిజెపి లేవనెత్తింది.ప్రధానమంత్రి నరేంద్ర మోదీ ఈ అంశాన్ని గట్టిగా లేవనెత్తారు. తమ పార్టీని ఎన్నుకుంటే అవినీతిని నిర్మూలిస్తామని హామీ ఇచ్చారు. అదే సమయంలో, ఎన్‌ఫోర్స్‌మెంట్ డైరెక్టరేట్ (ఈడీ), సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) వంటి కేంద్ర మోదీ ప్రభుత్వం చెప్పుచేతల్లో నడుస్తున్నాయని కాంగ్రెస్ ఆరోపిస్తూనే ఉంది.

సీఎం అభ్యర్థి ఎవరనేది ప్రకటించకుండానే బీజేపీ.. కాంగ్రెస్‌ను ఓడించి అఖండ విజయాన్ని నమోదు చేసింది. అయితే ఈ గెలుపు త‌ర్వాత రాష్ట్రానికి సీఎం ఎవరనేదానిపై ఊహాగానాలు వినిపిస్తున్నాయి. మరోవైపు ఇదే సమయంలో రాజస్థాన్‌కు చెందిన ప్రముఖ నేత, బాబా బాలక్‌నాథ్‌ను బీజేపీ కేంద్ర నాయకత్వం ఢిల్లీకి పిలిపించింది.

తెలంగాణ ఎన్నికల ఫలితాలపై పూర్తి కథనం, కాంగ్రెస్ 64, బీఆర్ఎస్ 39, బీజేపీ 8, ఎంఐఎం 7, సీపీఐ 1 స్థానల్లో విజయం

మహంత్ బాలక్‌నాథ్.. నాథ్ శాఖకు చెందిన ఎనిమిదవ ప్రధాన మహంత్. రాజస్థాన్‌లోని అల్వార్ స్థానానికి చెందిన లోక్‌సభ ఎంపీ కూడా. తిజారా అసెంబ్లీ స్థానం నుంచి బీజేపీ ఆయనకు టికెట్ ఇచ్చింది. అక్కడ ఆయన భారీ మెజారిటీతో గెలుపొందారు. ఆయన ఇక్కడి కాంగ్రెస్ అభ్యర్థి ఇమ్రాన్ ఖాన్‌పై 6173 ఓట్ల తేడాతో విజయం సాధించారు. రాజస్థాన్ ఎన్నికల టిక్కెట్ల కేటాయింపు నాటి నుంచి సీఎం అభ్యర్థిగా బాబా బాలక్‌నాథ్‌ పేరు వినిపిస్తోంది.

రాజస్థాన్ కొత్త సీఎం రేసులో ముందంజలో ఉన్న బాబా బాలక్‌నాథ్ నేటి(సోమవారం) మధ్యాహ్నానికి ఢిల్లీ చేరుకునే అవకాశం ఉంది. ఢిల్లీలో ఆయన బీజేపీ హైకమాండ్ నేతలతో భేటీ కానున్నారు. రాజస్థాన్‌లో బాబా బాలక్‌నాథ్‌కు పార్టీ కీలక బాధ్యతలను అప్పగించవచ్చని కూడా పార్టీ నేతలు చెబుతున్నారు.