Jaden Newman Leaked Video Controversy: జేడెన్ న్యూమాన్ ప్రైవేట్ వీడియో లీక్.. నెటిజన్లపై విరుచుకుపడిన ఆమె సోదరుడు.. ఏమన్నారంటే..
ఇటీవల జేడెన్ న్యూమాన్‌కు సంబంధించిన కొన్ని అభ్యంతరకరమైన వీడియోలు ఆన్‌లైన్ ప్లాట్‌ఫామ్‌లలో లీక్ అయి తీవ్ర దుమారం రేపాయి. ఈ వివాదంపై జేడెన్ స్పందిస్తూ.. తన సోషల్ మీడియా ఖాతా హ్యాక్ కావడం వల్లే ఆ వీడియోలు బయటకు వచ్చాయని ఒక లైవ్‌స్ట్రీమ్‌లో తెలిపింది.
Jaden Newman Leaked Video Controversy: ఇటీవల జేడెన్ న్యూమాన్‌కు సంబంధించిన కొన్ని అభ్యంతరకరమైన వీడియోలు ఆన్‌లైన్ ప్లాట్‌ఫామ్‌లలో లీక్ అయి తీవ్ర దుమారం రేపాయి. ఈ వివాదంపై జేడెన్ స్పందిస్తూ.. తన సోషల్ మీడియా ఖాతా హ్యాక్ కావడం వల్లే ఆ వీడియోలు బయటకు వచ్చాయని ఒక లైవ్‌స్ట్రీమ్‌లో తెలిపింది. అయితే ఈ వీడియోల లీక్‌పై కాలేజీ బాస్కెట్‌బాల్ ఆటగాడైన ఆమె సోదరుడు జూలియన్ న్యూమాన్ బహిరంగంగా స్పందించడంతో ఈ విషయం మరింత ప్రాధాన్యత సంతరించుకుంది.
ఆగస్టు 6న షేర్ చేసిన ఒక వీడియో సందేశంలో జూలియన్ మాట్లాడారు. తన సోషల్ మీడియా కామెంట్ సెక్షన్లలో నెటిజన్లు పదేపదే ఈ విషయాన్ని ప్రస్తావిస్తుండటం, తనను ఈ వివాదంతో ముడిపెట్టడం వల్ల విసిగిపోయానని, అందుకే స్పందించాల్సి వచ్చిందని చెప్పారు.
ఢిల్లీ క్యాపిటల్స్ క్రికెటర్ అభిషేక్ పోరెల్ అరెస్ట్.. అత్యాచారం, బెదిరింపుల ఆరోపణలపై కేసు నమోదు..
జూలియన్ తన సోదరిని పూర్తిగా సమర్థిస్తూ.. ఈ పరిస్థితిలో ఆమె తప్పేమీ లేదని స్పష్టం చేశారు. నెటిజన్లలో కొందరిని "నిజ జీవితంలోని వింత మనుషులు" అని మండిపడ్డారు. ఈ వీడియోలను జేడెన్ మాజీ ప్రియుడే కావాలని లీక్ చేశాడని ఆయన ఆరోపించారు. అయితే ఈ ఆరోపణలు స్వతంత్రంగా ఇంకా ధృవీకరించబడలేదు. "నా సోదరి అలా కనిపించడం నాకు ఇష్టం లేదు, కానీ అది ఆమె తప్పు కాదు. సెలబ్రిటీలుగా ఉన్న దాదాపు అందరి వివరాలు లీక్ అవుతుంటాయి, బహుశా ఇది కూడా మాజీ ప్రియుడి పనే" అని ఆయన వ్యాఖ్యానించారు.
ఈ వివాదానికి లభిస్తున్న ప్రచారాన్ని ధ్వజమెత్తుతూనే, విషయాలలోని సానుకూల కోణాన్ని జూలియన్ ప్రస్తావించారు. 2007లో కిమ్ కర్దాషియాన్ వీడియో లీక్ అయిన తర్వాత ఆమెకు లభించిన విపరీతమైన ప్రజాదరణతో దీనిని పోల్చారు. నెటిజన్లు చేస్తున్న ఈ ప్రచారం చివరికి తన సోదరిని "కిమ్ కర్దాషియాన్ కంటే పెద్ద స్టార్‌గా" మార్చగలదని, ఆమెను మరింత ధనవంతురాలిని చేస్తుందని అన్నారు.
అలాగే, "మా చెల్లి మీరందరూ అనుకుంటున్నట్టు ఎలాంటి తప్పుడు పనులూ చేయడం లేదు, ఆమెకు ఒక బాయ్‌ఫ్రెండ్ ఉండేవాడు అంతే. ఆమె ఇప్పటికే ఒక కోటీశ్వరురాలు, ఈ విషయాల గురించి చింతించడం లేదు. మేము ఆమెను కిమ్ కె స్థాయికి, దానికంటే గొప్పగా తీసుకెళ్తాం" అని జూలియన్ వ్యాఖ్యానించారు. మరొక పూర్వపు వీడియోలో కూడా జూలియన్ ఈ వివాదంపై స్పందిస్తూ.. ఈ విషయంతో నాకేం సంబంధం లేదు, నన్ను దీనిలోకి లాగొద్దు, ఏమైనా ఉంటే నేరుగా ఆమెనే అడగండి" అని స్పష్టం చేశారు.
జేడెన్ న్యూమాన్ (Jaden Newman) అమెరికాలోని ఫ్లోరిడా రాష్ట్రంలో ఉన్న ఓర్లాండోకు చెందిన ఒక ప్రముఖ బాస్కెట్‌బాల్ క్రీడాకారిణి, సోషల్ మీడియా పర్సనాలిటీ. ఆమె జూన్ 13, 2004న జన్మించింది. చాలా చిన్న వయస్సులోనే తన బాస్కెట్‌బాల్ ప్రతిభతో ప్రపంచ దృష్టిని ఆకర్షించింది.
జేడెన్ తన పాఠశాల విద్యను 'డౌనీ క్రిస్టియన్ స్కూల్'లో పూర్తి చేసింది. కేవలం మూడవ తరగతి చదువుతున్న సమయం నుంచే ఆమె పాఠశాల వర్సిటీ బాస్కెట్‌బాల్ జట్టులో ఆడటం ప్రారంభించి సంచలనం సృష్టించింది. 2015లో జరిగిన ఒక ప్రత్యేక త్రీ-పాయింట్ షూటింగ్ పోటీలో దిగ్గజ NBA స్టార్ స్టీఫెన్ కర్రీని ఓడించి ఆమె వార్తల్లో నిలిచింది.
జేడెన్, ఆమె సోదరుడు జూలియన్ న్యూమాన్ తమ వర్సిటీ ప్రిపరేటరీ కెరీర్‌లో 1,000 కంటే ఎక్కువ పాయింట్లు సాధించిన అతి పిన్న వయస్కులైన తోబుట్టువులుగా అరుదైన రికార్డును సొంతం చేసుకున్నారు. 2022లో హైస్కూల్ గ్రాడ్యుయేషన్ పూర్తయిన తర్వాత.. ఆమె కాలిఫోర్నియా స్టేట్ యూనివర్శిటీ, లాస్ ఏంజిల్స్ (Cal State LA)లో చేరి, అక్కడ మహిళల బాస్కెట్‌బాల్ జట్టులో సభ్యురాలిగా కొనసాగుతోంది.
క్రీడలతో పాటు సోషల్ మీడియాలోనూ ఆమెకు విశేష ఆదరణ ఉంది. ఇన్‌స్టాగ్రామ్‌లో ఆమెకు సుమారు 19 లక్షల (1.9 Million) మంది, టిక్‌టాక్‌లో దాదాపు 8 లక్షల మంది ఫాలోవర్లు ఉన్నారు. వివిధ నివేదికల ప్రకారం ఆమె నికర ఆస్తి విలువ (Net Worth) సుమారు 2 మిలియన్ డాలర్లు (దాదాపు $20 Lakhs)గా అంచనా వేయబడింది.