TTD Clarification On Centipede Row: శ్రీవారి అన్నప్రసాదంలో జెర్రి వార్తలపై టీటీడీ స్పందన.. అవాస్తవమని స్పష్టీకరణ
తిరుమల శ్రీవారి అన్నప్రసాదంలో జెర్రి పడిందన్న ప్రచారంపై తిరుమల తిరుపతి దేవస్థానం (టీటీడీ) స్పందించింది. ఓ భక్తుడు చేసిన ఈ ఆరోపణలు వాస్తవదూరం అని స్పష్టం చేసింది.
Tirumala, Oct 6: తిరుమల శ్రీవారి అన్నప్రసాదంలో జెర్రి పడిందన్న (TTD Clarification On Centipede Row) ప్రచారంపై తిరుమల తిరుపతి దేవస్థానం (టీటీడీ) (TTD) స్పందించింది. ఓ భక్తుడు చేసిన ఈ ఆరోపణలు వాస్తవదూరం అని స్పష్టం చేసింది. దీనికి సహేతుక కారణం కూడా ఉన్నదని వెల్లడించింది. తిరుమల శ్రీవారి దర్శనార్థం వచ్చే వేలాది భక్తులకు వడ్డించడానికి టీటీడీ సిబ్బంది పెద్ద మొత్తంలో అన్నప్రసాదాలను ఎప్పటికప్పుడు తయారు చేస్తారని, అంత వేడిలో కూడా ఏమాత్రం చెక్కుచెదరకుండా ఒక జెర్రి ఉందని ఆ భక్తుడు పేర్కొనడం ఆశ్చర్యం కలిగిస్తోందని టీటీడీ తన ప్రకటనలో పేర్కొంది.
తిరుమల అన్న ప్రసాదంలో జర్రీ వార్తలపై TTD వివరణ https://t.co/NdQvJZhtHB pic.twitter.com/aBTBcp0qre
— ChotaNews (@ChotaNewsTelugu) October 5, 2024
ఒకవేళ పెరుగన్నం కలపాలన్నా... ముందుగా వేడి చేసిన అన్నాన్ని బాగా కలియదిప్పి, ఆ తర్వాత పెరుగు కలుపుతారని వివరించింది. అలాంటి సమయంలో కూడా జెర్రి రూపు ఏమాత్రం చెక్కుచెదరకుండా ఉందనడం పూర్తిగా ఉద్దేశపూర్వకంగా చేసిన చర్య అని భావించాల్సి వస్తోందని టీటీడీ పేర్కొంది. భక్తులు ఇలాంటి అసత్య ప్రచారాన్ని నమ్మవద్దని విజ్ఞప్తి చేసింది.
ఇవీ ఆరోపణలు
మాధవ నిలయంలో తాము తిన్న అన్నప్రసాదంలో జెర్రి కనిపించిందని ఓ భక్తుడు వీడియో విడుదల చేయడం సంచలనంగా మారింది. అన్నం వేడిలో కూడా ఏమాత్రం చెక్కుచెదరకుండా జెర్రి ఉందని భక్తుడు పేర్కొనడం అనుమానాలకు తావిచ్చింది.
మిడ్ వీక్ ఎలిమినేట్ అయింది ఎవరో తెలుసా?, ఈ వారం డబుల్ ఎలిమినేషన్లో హౌస్ నుండి బయటకు వచ్చేది ఎవరు?
(The above story first appeared on LatestLY on Oct 06, 2024 09:00 AM IST. For more news and updates on politics, world, sports, entertainment and lifestyle, log on to our website latestly.com).
